| e-texts navigator |
| Wylie |
17b1 དུ་གསོལ།། བཛྲ་ས་མ་ཡ་ཨ་ཧཾ་ཨ་ཧཾ། ཞེས་གསོལ་པས། བཅོམ་ལྡན་འདས་ཀྱི་སླུ་བར་སྣང་ལ་མངོན་པར་གྱུར་ནས། སེང་གེའི་ཁྲིའི་སྟེང་ན་གདུན་དང་བཅས་པ་བཞུགས་ཚུལ
17b2 ནི་སྐུ་ཞི་པའི་ཆུ་ལུགས་སུ་བཞུགས་སོ།། རྡོ་རྗེའི་རིགས་ཀྱི་འཁོར་སེམས་དཔའ་དང་། སེམས་མ་དང་། བྱང་ཆུབ་སེམསད་དཔའ་དཔག་ཏུ་མེད་པ་རྣམས་ཀྱང་འོད་ལ་སྦྲུལ
17b3 ནས་བཞུགས་སོ།། མ་མོ་དང་གནོད་སྦྱིན་གྱི་འཁོར་རྣམས་ཀྱང་སྡུག་བསྔལ་ཆེན་པོ་ལས་གྲོལ་བར་གྱུར་ཏོ།། དེ་ནས་འཁོར་རྣམས་ཀྱིས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ
17b4 ལྡན་རྡོ་རྗེ་འཆང་། རྒྱུད་ཆེན་ངེས་ཚིག་གསུང་དུ་གསོལ། ཞེས་ཞུས་སོ།། རྡོ་རྗེ་འཆང་གིས་བཀའ་སྩལ་པ། ཀྱེ་ཀྱེ་འདུས་པའི་འཁོར་རྣམས་ཉོན། ཐམས་ཅད་འབྱུང་བའི
17b5 བྱང་ཆུབ་ཡིད་བཞིན་གཏེར།། མ་གྲོལ་གྲོལ་བར་བྱེད་པའི་རྒྱུད་ཆེན་འདི།། རྡོ་རྗེ་དམ་ཚིག་གསེར་གྱི་ལུ་གུ་རྒྱུད།། སྙིང་པོའི་དོན་འགྲོ་ལ་སྙིང་གི་རྒྱུད་ཆེན་འདི།། དུ་མ
17b6 གཅིག་ཏུ་བསྡུས་པའི་དོན་གྱི་མཆོག། དོན་གྱི་འབྲེལ་པ་གསང་སྔགས་བདག་པོས་འཆང་།། སྙིང་གི་དཀྱིལ་ན་རིག་པ་བྱང་ཆུབ་སེམས།། དེ་ཡོད་ཕྱིར་ན་སྙིང་གི་ཆུད
iiif viewer powered by OpenSeadragon
