| e-texts navigator |
| Wylie |
421a1 གཟི་ཆེན་ཉི་མ་མེས་པོ་དང་།། ཆུ་བདག་མ་ཡིན་ལྷ་མིན་རྣམས་ཀྱིས་མིད།། ནོར་བདག་མ་ཡིན་གནོད་སྦྱིན་རྒྱལ་པོས་མིན།། ལྕུག་མ་མཁའ་ལྡིང་བྱ་ཡི་རྒྱལ་པོ་དང་།
421a2 ས་སྲུངས་བུ་ནོན་ཁྱེར་འཇིག་རྣམས་ཀྱིས་མིན།། འབྱུང་པོའི་རིག་སྔགས་འདིར་ནི་ཀུན་མཐོང་དང་།། གདོན་གྱི་སྤྱོད་པ་མ་ལུས་ཤེས་ནས་སུ།། ཕྱི་ནས་གདོན་རྣམས་དོགས་མེད་དུལ་ན་ནི།།
421a3 གདོན་གྱིས་མི་འཇིགས་སླར་ཡང་ཚུགས་མི་འགྱུར།། རིག་གསུམ་འཕེལ་དང་སྲིད་གསུམ་མཐར་ཕྱིར་དང་།། ཉེས་པ་གསུམ་སྤངས་ལམ་གསུམ་ཐུགས་སུ་ཆུད།། དེ་ཡི་སྲས་དང་དེའི་ལམ
421a4 རྗེས་འགྲོ་བའི།། ལྷ་དང་ལྷ་མིན་སོགས་པས་བཤད་པའི་སྔགས།། བདག་ཉིད་ཆེན་པོ་མུན་པ་སེལ་བ་ཡི།། གསང་སྔགས་ཀྱིས་ནི་བྱིན་གྱིས་བརླབས་དེ་ལ།། འཇིག་རྟེན་ལྷ་ཚོགས་རྣམས་ཀྱིས
421a5 བསྔགས་པ་ཡི།། གསང་སྔགས་མཐུ་ཡིས་དེ་ལ་བསྐྱོད་དུ་མེད།། རྡོ་རྗེ་འཆང་གི་གསུང་ཐོས་ལྷ་དེ་རྣམས།། ཚངས་སོགས་ལྷ་མིན་གནོད་སྦྱིན་གྲུབ་པ་དང་།། རིག་འཛིན་ཀླུ་དང་གནོད་སྦྱིར་དྲི་ཟ་དང་།།
421a6 གསང་བ་པ་དང་མཚན་དང་འབྱུང་པོ་རྣམས།། དད་པས་ཞབས་ལ་སྤྱི་བོས་ཕྱག་འཚལ་ཏེ།། གུས་པས་ཐལ་མོ་སྦྱར་ནས་ཚིག་གསོལ་པོ།། ཀྱེ་མ་སྲོག་ཆགས་རྣམས་ལ་ཐུགས་རྗེས་ལྡན།།
421a7 མའོ་ཁྱོད་ཀྱིས་སྤྱོད་པ་སྣ་ཚོགས་པས།། ཁ་ཅིག་གིས་ནི་རྡོ་རྗེ་འབར་བར་མཐོང་།། གཞན་གྱིས་དབྱུག་ཏོ་གཞན་གྱིས་འཁོར་ལོ་ཅན།། དེ་བཞིན་གཞན་གྱིས་རྩེ་གསུམ་ཞགས་པ་ཅན།། གཞན་གྱིས
iiif viewer powered by OpenSeadragon
