| e-texts navigator |
| Wylie |
146b1 ངོ།། དཀོན་མཆོག་གསུམ་ལ་ཕྱག་འཚལ་ལོ།། གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་དྲག་པོ་ལ་ཕྱག་འཚལ་ལོ།། ཏདྱ་ཐཱ། ཨོཾ་ཧ་ན་ཧ་ན་བཛྲ་། ད་ཧ་ད་ཧ་བཛྲ། བཙ་པ་ཙ་བཛྲ་ནམ་ཐ་མཐ།
146b2 ཛྭ་ལ་ཛྭ་ལ། སུ་རུ་སུ་རུ་ཀ་མུ་རུ་མུ་རུ་ཀ་ཊཾ་ཀ་ཊེ། ཛ་ཡེ་བི་ཛ་ཡེ། ཨ་ཛི་ཏེ། ཨ་པ་རཱ་ཛི་ཏེ། མ་ར་སེ་ནྱ་པྲ་མརྡ་ནི་སྭཱ་ཧཱ། བཅོམ་ལྡན་འདས་ཀྱིས་བཀའ་སྩ་ལ་པ། གསང་བ་པའི་བདག་པོ་ལག་ན་རྡོ་རྗེ་རྣམ་པར
146b3 ལོག་འདྲེན་ཐམས་ཅད་སྡིགས་ཤིག། ཆིངས་ཤིག་ཆིངས་ཤིག་། རྣམ་པར་ཆོམས་ཤིག། མ་གྲུབ་པ་རྣམས་གྲུབ་པར་གྱིས་ཤིག། གྲུབ་པ་རྣམས་དུལ་བར་གྱིས་ཤིག། སངས་རྒྱས་དང་བྱང་ཆུབ་སེམས
146b4 དཔའ་ཐམས་ཅད་འབབ་པར་གྱིས་ཤིག། ལྷ་དང་ཀླུ་ཐམས་ཅད་ཚུར་ཤོག་ཚུར་ཤོག། ངས་སྟོབས་པོ་ཆེ་ཁྲོ་བོའི་མཐུས་དགེ་བར་བྱའོ།། དེ་ནས་འཇམ་དཔལ་གཞོན་ནུར་གྱུར་པ་སྟན་ལས་ལངས་ནས། བླ
146b5 གོས་ཕྲག་པ་གཅིག་ཏུ་གཟར་ནས། པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།།
146b6 བཅོམ་ལྡན་འདས་འདུ་བྱེད་ཐམས་ཅད་ཀྱི་མི་རྟག་པའི་མཚན་ཉིད་ཇི་ལྟ་བུ་ལགས། བཅོམ་ལྡན་འདས་ཀྱིས་བཀའ་སྩལ་པ། བྱང་ཆུབ་སེམས་དཔའ་འཇམ་དཔལ་གཞོན་ནུར་གྱུར་པ་ཉོན་ཅིག།
146b7 འདུ་བྱེད་ཐམས་ཅད་ནི་དྲི་ཟའི་གྲོང་ཁྱེར་དང་འདྲའོ།། འདུ་བྱེད་ཐམས་ཅད་ནི་གློག་དང་སྤྲིན་དང་འདྲའོ།། འདུ་བྱེད་ཐམས་ཅད་ནི་ཁྱིམ་དང་དབུ་བ་དང་འདྲའོ།། འདུ་བྱེད་ཐམས་ཅད་ནི་མ་ར་མེ་དང་འདྲའོ།།
iiif viewer powered by OpenSeadragon
