| e-texts navigator |
| Wylie |
145a1 བཅོམ་ལྡན་འདས་ཀྱིས་བཀའ་སྩལ་པ། མདོ་སྡེ་འདི་ནི་དེ་བཞིན་གཤེགས་པའི་སྤྲུལ་པ་ཞེས་བྱ་བར་ཟུང་ཞིག། ཆོས་ཀྱི་ཉི་མ་ཞེས་བྱ་བར་ཡང་ཟུང་ཞིག། ཆོས་ཀྱི་ཟླ་བ
145a2 ཞེས་པར་ཡང་ཟུང་ཞིག། དོན་ཐམས་ཅད་གྲུབ་པ་ཞེས་བྱ་བར་ཡང་ཟུང་ཞིག། དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་སྤྲིན་ཅེས་བྱ་བར་ཡང་ཟུང་ཞིག། སྡིག་པ་ཐམས་ཅད་བྱུང་བར་བྱེད་པའི།
145a3 གཟུངས་སྔགས་ཞེས་བྱ་བར་ཡང་ཟུང་ཞིག། རིག་སྔགས་འཆང་ཐམས་ཅད་གྲུབ་པའི་རྒྱལ་པོ་ཞེས་བྱ་བར་ཡང་ཟུང་ཞིག། ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་བྱ་བར་ཡང་ཟུང་ཞིག། ཆོས་ཀྱི
145a4 དབྱིངས་དེ་བཞིན་གཤེགས་པ་ཐམས་ཅད་ཀྱི་སྔོན་དུ་འགྲོ་བ་ཞེས་བྱ་བར་ཡང་ཕུང་ཞིག། རིག་སྔགས་ཀྱི་རྒྱལ་པོ་སྟོབས་པོ་ཆེ་ཞེས་བྱ་བར་ཡང་ཟུང་ཞིག། གསང་བ་པའི་བདག་པོ་ལག་ན་རྡོ་རྗེ་སུ
145a5 མདོ་སྡེ་འདི་འཛིན་པ་དང་། འཆང་བ་དང་། ཀློག་པ་དང་། ཡི་གེར་འདྲིར་འཇུག་པ་དང་། བསྟི་སྟང་དུ་བྱེད་པ་དང་། བླ་མར་བྱེད་པ་དང་། རིམ་གྲོར་བྱེད་པ་དང་། མཆོད་པར་བྱེད་པ་དེས་འདས་པ་དང་།
145a6 མ་འོངས་པ་དང་། ད་ལྟར་བྱུང་བའི་སངས་རྒྱས་དང་བྱང་ཆུབ་སེམས་དཔའ་རྣམས་ལ་མཆོད་པ་བྱས་པར་འགྱུར་རོ།། འདས་པ་དང་། མ་འོངས་པ་དང་། ད་ལྟར་བྱུང་བ་རྣམས་ཀྱི་མཆོད་རྟེན
145a7 སྐུ་གདུང་དང་བཅས་པ་ལ་མཆོད་པ་བྱས་པར་འགྱུར་རོ།། ལག་ན་རྡོ་རྗེས་གསོལ་པ། བཅོམ་ལྡན་འདས་ལེགས་སོ་ལེགས་སོ།། ཤིན་ཏུ་ཟབ་པའི་ཆོས་བསྟན་པ་དང་། ཆོ་འཕྲུལ་གྱི་ཡོན
iiif viewer powered by OpenSeadragon
