| e-texts navigator |
| Wylie |
93b1 བ་འདི་ནི་རིག་པའི་ཚོགས་ཐམས་ཅད་ཀྱི་སྙིང་པོར་གྱུར་པ། ལས་མང་པོ་རབ་ཏུ་སྒྲུབ་པ། སྟོབས་དང་ཕ་རོལ་གནོན་པ་དཔག་ཏུ་མ་མཆིས་པ། བསྟན་པ་ཐོགས་པ་མ་མཆིས་པ་སྟེ། བཅོམ་ལྡན་འདས་རིག
93b2 པའི་རྒྱལ་པོ་བཤད་པར་བགྱིའོ།། ཀྱེ་ཀྱེ་ལྔ་ཡུལ་དང་། ས་དང་། ཚུལ་གནས་པའི་འབྱུང་པོའི་ཚོགས་རྣམས་ཁྱེད་ཡིད་རྩེ་གཅིག་ཏུ་གྱིས་ལ་ཉོན་ཅིག། རྡོ་རྗེས་མགོ་བཀས་པར་གྱུར་ཏ་རེ། དེ་ནས
93b3 ལག་ན་རྡོ་རྗེས་རང་གི་རིག་པའི་ཚོགས་ལ་བལྟས་ནས་གསང་སྔགས་སྨྲས་པ། ན་མོ་རཏྣ་ཏྲ་ཡཱ་སྱ། ན་མ་ཤྲུཎྜ་བཛྲ་པཱ་ཎི་སྱ། མ་ཧཱ་ཡཀྵ་སེ་ནཱ་པ་ཏི་སྱ། མ་ཧཱ་ཤཱཀྱ་སཾ་བུད་དྷཱ་ཡ། བིརཱི། ཀིརྲ།
93b4 མིརླི། ཧི་རཱི། བིདྱཱ་ཏ་མ་ལ་རྩི་ནི་མི་ལི་སྭཱ་ཧཱ། དེ་ནས་ཐམས་ཅད་དང་ལྡན་པའི་འཁོར་དེ་འངར་ཡང་ཡོད་ནས་ཐལ་མོ་སྦྱར་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་བདག་ཅག
93b5 ལ་བསྐྱབ་ཏུ་གསོལ། བདེ་བར་གཤེགས་པ་བདག་ཅག་ལ་སྐྱབ་ཏུ་གསོལ།། དེ་ནས་གནོད་སྦྱིན་གྱི་དབང་པོ་ལག་ན་རྡོ་རྗེས་ཐམས་ཅད་དང་ལྡན་པའི་འཁོར་ལ་གྲོགས་པོ་དག་མ་འཇིགས་ཤིག་མ་འཇིགས་ཤིག།
93b6 རིག་པའི་རྒྱལ་པོ་དྲན་པར་གྱིས་ཤིག་ཅེས་དབུགས་ཕྱུང་ངོ་།། དེ་ནས་ཐམས་ཅད་དང་ལྡན་པའི་འཁོར་དེ་ངོ་མཚར་དུ་གྱུར་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་བྱང
93b7 ཆུབ་སེམས་དཔའ་ལག་ན་རྡོ་རྗེ་འདི་ལྟ་བུའི་གསང་སྔགས་ཀྱི་ཚིག་འདི་དག་འཆད་པ་ནི་ངོ་མཚར་ཏོ།། བཅོམ་ལྡན་འདས་བདག་ཅག་ནི་རིག་པའི་རྒྱལ་པོ་གང་ན་གནས་པ་དེར་མཆོད་པར་འཚལ་ལོ།། སུ
iiif viewer powered by OpenSeadragon
