| e-texts navigator |
| Wylie |
79b1 ཐལ་བ་ལ་བསྔགས་ཏེ་སྤྱི་བོ་དང་མགུལ་དུ་བླུགས་ན་མཚོན་ཆ་ཟློག་པར་བྱེད་དོ།། སྲུད་པ་ལ་ལན་བརྒྱ་རྩ་བརྒྱད་དུ་བཟླས་པས་ནད་པའི་ཁྲི་ལ་བཅིང་ངོ་།། བུམ་པ་ལ་བརྒྱ་རྩ་བརྒྱད་དུ་བསྔགས
79b2 པས་ཁྲུས་བྱའོ།། ལག་པའི་སྐུད་པ་ལ་བཟླས་ནས་བཅིང་ངོ་།། དེ་ནས་བདེ་བར་འགྱུར་རོ།། ཡུལ་བསྐོར་ཏེ་དྲིལ་བུ་དང་། རྔ་དང་། དུང་ལ་བཟླས་པ་བྱས་ན་བགེགས་ཐམས་ཅད་འབྱེར་ཏེ
79b3 གནོད་པའང་ཞི་བར་འགྱུར་རོ།། སྐྱེས་བུ་དཔའ་བོའི་དཔྲལ་བར་རིགས་པའི་མདོངས་བཞག་ལ་མཚོན་ཆ་བསྐུར་ན་དགྲ་འམ་གཡུལ་ཞི་བར་འགྱུར་རོ།། འཕགས་པ་པརྞྞ་ཤ་བ་རིའི་མདོ་རྫོགས
79b4 སོ།། རྒྱ་གར་སྐད་དུ། ཨཱརྱ་པརྡྷ་ཤ་བ་རི་ནཱ་མ་དྷཱ་ར་ཎི། བོད་སྐད་དུ། འཕགས་མ་རི་ཁྲོད་ལོ་མ་གྱོན་མ་ཞེས་བྱ་བའི་གཟུངས།།
79b5 འཕགས་མ་རི་ཁྲོང་ལོ་མ་གྱོན་མ་ལ་ཕྱག་འཚལ་ལོ།། དཀོན་མཆོག་གསུམ་ལ་ཕྱག་འཚལ་ལོ།། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད
79b6 དཔག་ཏུ་མེད་པ་ལ་ཕྱག་འཚལ་ལོ།། བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ཐུགས་རྗེ་ཆེན་པོ་དང་ལྡན་པ་ལ་ཕྱག་འཚལ་ལོ།། བྱང་ཆུབ་སེམས་དཔའ
79b7 སེམས་དཔའ་ཆེན་པོ་མཐུ་ཆེན་པོ་ཐོབ་པ་ལ་ཕྱག་འཚལ་ལོ།། བཅོམ་ལྡན་འདས་མ་མིའུ་ཐུང་ཤ་ཟ་མོ་རི་ཁྲོད་ལོ་མ་གྱོན་མ་དགྲ་སྟ་དང་ཞགས་པ་འཛིན་མ་ཁྱོད་ལ་ཕྱག་འཚལ་ལོ།། འཇིགས་པ་གང
iiif viewer powered by OpenSeadragon
