| e-texts navigator |
| Wylie |
79a1 བརྒྱ་རྩ་བརྒྱད་དུ་མདུད་དེ། སྔགས་ཀྱི་སྙིང་པོ་བྲིས་པའི་སྣོང་དང་བཅས་པས་བཟླས་པ་ཚུལ་བཞིན་དུ་བྱས་ལ། དེའི་རྗེས་ལ་ནད་པ་འམ། རྟ་དང་བ་ལང་ལ་སོགས་པ།
79a2 ལ་སྤོས་ཆུས་བཀྲུས་ནས་ཁྱུ་མཆོག་ཀྱང་བཀྲུས་ཏེ། དེའི་མགོ་ལ་བཅིངས་ན་ཞི་བར་འགྱུར་རོ།། དེ་བཞིན་དུ་མ་ཧེ་དང་ར་ལུགས་རྣམས་ལ་གནོད་པ་བྱུང་བ་ལའང་ལྷས་སུ་བྲི་བར་བྱའོ།། བུམ་པ་ཆུ་གཙང
79a3 མས་བཀང་སྟེ་བརྒྱ་རྩ་བརྒྱད་དུ་བསྔགས་ནས་བཀྲུས་ན་ཞི་བར་འགྱུར་རོ།། སྔ་དྲོ་ཕྱུགས་ཀྱི་ལྷས་སུ་སོང་ལ་དྲི་དང་མེ་ཏོག་གི་གཏོར་མ་བྱས་ཏེ། བུམ་པ་གསར་པ་མ་སྤྱད་པ་ཆུས་བཀང་ལ་བརྒྱ་རྩ
79a4 བརྒྱད་དུ་བསྔགས་ཏེ། ཕྱུགས་ལྷས་ཀྱི་སྒོར་རྟ་བབས་གཟུགས་ཤིང་། རྟ་བབས་དེ་ལ་ཆུ་ཤིང་གི་ལོ་མ་ལ་རིག་པ་གིའུ་ཝང་གིས་བྲིས་ཏེ་རྟ་བབས་ཀྱི་ཁར་གདགས་སོ།། དེ་ནས་ཕྱུགས་ཐམས
79a5 ཅད་ཟས་ལ་སོང་བ་རྟ་བབས་ཀྱི་སྒོ་དེ་ནས་གཟུང་ངོ་།། གཞན་ཡང་བུམ་པ་བཞི་ཆུས་བཀང་སྟེ་བརྒྱ་རྩ་བརྒྱད་དུ་བསྔགས་ནས་མི་བཞིས་ཆུས་གཏོར་ན་ཕྱུགས་ནད་མེད་པར་འགྱུར་རོ།། དེ་བཞིན
79a6 དུ་ཞག་བདུན་དུ་བྱས་ན་ནད་ཐམས་ཅད་ཞི་བར་འགྱུར་རོ།། མི་ནད་དང་ཕྱུགས་ནད་ལ་གྲོ་ག་ལ་བྲིས་ཏེ་མཆོད་པ་བྱས་ནས་རྒྱལ་མཚན་གྱི་རྩེ་མོ་ལ་གདགས་སོ།། སྟག་གི་འཇིགས་པ་ལ་དྲིལ་བུ
79a7 ལ་བཟླས་ནས་དཀྲོལ་བར་བྱའོ།། ཆུ་སྲིན་གྱི་འཇིགས་པ་ལ་མངའ་དང་ཕ་གུ་ལ་བསྔགས་ན་སྦྲུལ་དང་། བྱི་བ་དང་། སྡིག་པ་ལ་སོགས་པ་རྣམས་ཀྱང་ཁ་བཅིངས་པར་འགྱུར་རོ།། གཡུལ་ངོར
iiif viewer powered by OpenSeadragon
