| e-texts navigator |
| Wylie |
31b1 ཅེས་གསོལ་ཏོ།། བཅོམ་ལྡན་འདས་དེང་བདག་ནི་བདག་གིས་དེ་བཞིན་གཤེགས་པ་ཟླ་བ་བླ་མའི་འོད་ལས་བླངས་པ་ཀུན་ཏུ་བཟང་པོའི་གཟུངས་ཡང་དག་པར་སྟོན་པར་འཚལ་ཏེ། གཟུངས་དེ་ཐོས་མ
31b2 ཐག་ཏུ་བྱང་ཆུབ་སེམས་དཔའི་ཐེག་པ་པ་རྣམས་ཕྱིར་མི་ལྡོག་ཅིང་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱའོ།། ལས་ཀྱི་སྒྲིབ་པ་ཐམས་ཅད་ཀྱང་སེལ
31b3 ཏོ། ལོངས་སྤྱོད་ཆེན་པོ་ཕུན་སུམ་ཚོགས་པའང་ཡོངས་སུ་འཛིན་ཏོ།། ལུས་རྣམ་པར་དག་པའང་འཐོབ་བོ།། ངག་རྣམ་པར་དག་པའང་འཐོབ་བོ།། སེམས་རྣམ་པར་དག་པའང་འཐོབ
31b4 བོ་ཕ་རོལ་ཏུ་ཕྱིན་པ་རྒྱ་མཚོ་ཐམས་ཅད་ཀྱང་ཡོངས་སུ་རྫོགས་པར་བགྱིད་དོ།། གཟུངས་རྒྱ་མཚོ་ཐམས་ཅད་ཀྱང་འཐོབ་བོ།། དེ་བཞིན་གཤེགས་པ་མཐོང་བ་ཐམས་ཅད་མཉེས་པར།
31b5 བགྱིད་དོ།། བཅོམ་ལྡན་འདས་བདག་གིས་གཟུངས་འདི་ཐོས་མ་ཐག་ཏུ་མི་སྐྱེ་བའི་ཆོས་ལ་བཟོད་པ་ཐོབ་པར་གྱུར་ཏོ།། དཔའ་བར་འགྲོ་བའི་ཏིང་ངེ་འཛིན་ཀྱང་ཐོབ། རིན་ཆེན་ཕྱག་རྒྱའི
31b6 ཏིང་ངེ་འཛིན་ཀྱང་ཐོབ། འབར་བའི་སྒྲོན་མའི་ཏིང་ངེ་འཛིན་ཀྱང་ཐོབ། རྒྱ་མཚོའི་ཕྱག་རྒྱའི་ཏིང་ངེ་འཛིན་ཀྱང་ཐོབ། རྡོ་རྗེའི་དཀྱིལ་འཁོར་གྱི་ཏིང་ངེ་འཛིན་ཀྱང་ཐོབ། མི་ཟད་པའི་ཟ་མ་ཏོག
31b7 གི་ཏིང་ངེ་འཛིན་ཀྱང་ཐོབ། སྒྱུ་མ་ལྟ་བུའི་ཏིང་ངེ་འཛིན་ཀྱང་ཐོབ། ཕྱོགས་བཅུ་རྒྱས་པར་འགེངས་པའི་ཏིང་ངེ་འཛིན་ཀྱང་ཐོབ་སྟེ། བཅོམ་ལྡན་འདས་དེ་ལ་སོགས་པའི་ཏིང་ངེ་འཛིན་བྱེ།
iiif viewer powered by OpenSeadragon
