| e-texts navigator |
| Wylie |
55a1 རྗེའི་དབྱེ་བས་རྒྱས་གྱུར་ནས།། མནར་མེད་ལ་སོགས་ངན་འགྲོ་ཡི།། འཇིགས་རྣམས་ལྔ་བརྒལ་པདྨ་ལྟར།། རྣལ་འབྱོར་ཅན་དེ་མཛེས་པར་སྤྱོད།། དེ་ནས་མཐུ་སྟོབས་ཆེར་ལྡན་པའི།
55a2 ཕྱོགས་བཅུའི་ཁྲོ་བོ་ཀུན་འདུས་ནས།། ཤིན་ཏུ་དམ་པས་སྙན་ཚིག་གིས།། ཆེད་དུ་བརྗོད་པ་འདི་བརྗོད་དོ།། ཨ་མ་སངས་རྒྱས་ཆོས་ཆེན་དང་།། དགེ་འདུན་དཀོན་མཆོག་བསམ་མི་ཁྱབ།། འཁོར་བའི་མུན་པ
55a3 ཆེན་པོར་ནི། བྱིང་བས་བལྟ་དཀའ་རྟོགས་པ་ཡིས།། སྔགས་དང་ཕྱག་རྒྱ་བསམ་མི་ཁྱབ།། མཐོང་དང་ཐོས་པ་ཙམ་གྱིས་ཀྱང་།། བལྟ་དཀའ་འབྱུང་པོ་དྲག་པོ་རྣམས།། ལྷག་པའི་སེམས་ནི་སྐྱེས་པར་འགྱུར།།
55a4 དེ་ནས་རིག་པའི་ལྷ་མོ་ཆེ།། སྤྱན་ལ་སོགས་པ་རྒྱ་ཆེན་རྣམས།། ངོ་མཚར་གྱུར་ནས་སྨན་གདངས་ཏེ།། སྙན་པས་ཆེད་དུ་འདི་བརྗོད་དོ།། ཨེ་མ་སངས་རྒྱས་རྨད་དུ་བྱུང་།། ཨེ་མ་སངས་རྒྱས་དཔའ་བོ་ཆེ།
55a5 ཨེ་མ་སངས་རྒྱས་རབ་ཏུ་ཟབ།། ཆོས་རྣམས་སྐྱེ་མེད་འགག་པ་མེད།། སྒྱུ་འཕྲུལ་སྣ་ཚོགས་རོལ་པ་ལྟར།། སྒྱུ་མ་གདུལ་བྱ་ཚིམ་མཛད་པ།། སྤྲོས་པ་དང་བྲལ་སྤྲོས་པ་ལྟར།། སྒྱུ་མ་རབ་ཏུ་འཕེལ་བར
55a6 མཛད།། དེ་ནས་ཕྱོགས་བཅུའི་སངས་རྒྱས་རྣམས།། སྟོང་གསུམ་མི་མཛོད་འཇིག་རྟེན་ཁམས།། གདུལ་བ་དག་ལ་རབ་གཟིགས་ནས།། འདུལ་མཛད་རྡོ་རྗེ་འཆང་བ་ལ།། ངོ་མཚར་རྨད་ཀྱི་གསུང་གིས་ནི།
55a7 ཆེད་དུ་བརྗོད་པ་འདིས་བསྟོད་དོ།། ཨོཾ་ཞེས་དང་པོ་ཕྱག་འཚལ་བཀྲ་ཤིས་སྟེར་བྱེད་པ།། སེར་སྣ་རྣམ་པར་དག་ནས་ཡོ་བྱད་དབང་ཐོབ་དང་།། གནས་དང་གནས་མ་ཡིན་པ་མཁྱེན་པའི་སྟོབས་དང་ནི།། རབ་དགའ
iiif viewer powered by OpenSeadragon
