| e-texts navigator |
| Wylie |
320a1 མ་ནས་འགྲོ་བའི་དོན་མཐར་ཕྱིན་པ། བྱམས་པ་དང་། སྙིང་རྗེ་དང་། ཐབས་ལ་མཁས་པ་བསྒོམས་པས་སྒྲུབ་པ་དང་གཟུངས་ཀྱི་སྒོ་རྣམས་ལ་ནུས་པ་དང་ལྡན་པ་སྟེ། སེམས།
320a2 ཅན་གྱི་ཁམས་ཐམས་ཅད་ལ་ཞི་བ་དང་བདེ་བར་འདོད་པས་རྫུ་འཕྲུལ་གྱི་སྟོབས་ཆེན་པོ་འདི་ཕྱུང་ངོ་།། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང་། དེ་ནས་དེའི་ཚེ་བྱང་ཆུབ་སེམས་དཔའ
320a3 འཕགས་པ་སྤྱན་རས་གཟིགས་ཀྱི་དབང་ཕྱུག་སྟན་ལས་ལངས་ཏེ་གོས་ལགས་པར་བགོས་ནས། སངས་རྒྱས་བཅོམ་ལྡན་འདས་ལ་ཐལ་མོ་སྦྱར་ཏེ་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན
320a4 འདས་བདག་ལ་སྙིང་རྗེ་ཆེན་པོའི་རང་བཞིན་གྱིས་གསང་སྔགས་སྙིང་ལྟར་བཟུང་བ་མཆིས་ཏེ། སེམས་ཅན་གྱི་ཁམས་ཐམས་ཅད་ཀྱིས་ཕན་པ་དང་བདེ་བ་ཐོབ་པར་བགྱི་བ་དང་། སྡིག་པའི་ལས་ཐམས་ཅད་དང་།
320a5 ལས་ལྕི་བ་རྣམས་འབྱང་བར་བགྱི་བ་དང་། བགེགས་དང་མི་ཁོམ་པ་རྣམས་ཡོངས་སུ་སྤང་བར་བགྱི་བ་དང་། དགེ་བའི་ཕྱོགས་བསོད་ནམས་ཐམས་ཅད་འཕེལ་བར་བགྱི་བ་དང་། དགེ་བའི་རྩ་བའི་ས་བོན་ཐམས
320a6 ཅད་ཡོངས་སུ་རྫོགས་པར་བགྱི་བ་དང་། འཇིགས་པ་དང་གནོད་པ་ཐམས་ཅད་ཡོངས་སུ་སྤང་བ་དང་། མཆོག་ཐམས་ཅད་མྱུར་དུ་ཡོངས་སུ་རྫོགས་པར་བགྱི་བའི་སླད་དུ་བདག་ད་དེ་བརྗོད་པར་འཚལ་ན
320a7 བཅོམ་ལྡན་འདས་ཐུགས་བརྩེ་བའི་སླད་དུ་ཐུགས་རྗེས་བདག་ལ་ངེས་པར་གནང་བར་མཛད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ཀྱེ་རིགས་ཀྱི་བུ་ཤིན་ཏུ་སྙིང་རྗེ་ཆེན་པོ་དང་ལྡན་པ་ཁྱོད
iiif viewer powered by OpenSeadragon
