| e-texts navigator |
| Wylie |
28a1 ཆེན་པོ་བརྒྱ་བྱིན་དང་། ཚངས་པ་དང་། ཁྱབ་འཇུག་དང་། དབང་ཕྱུག་དང་། ལུས་ངན་དང་། གཤིན་རྗེ་དང་། དགའ་ར་བ་དབང་ཕྱུག་ལ་སོགས་པ་ལྷའི་རིགས་སུམ་བརྒྱ་དང་ལྷན་ཅིག་ཏུ་ཆོས་ཀྱི།
28a2 རྣམ་གྲངས་གསང་སྔགས་ཞེས་བྱ་བ་ལ་འཇུག་པ་གང་ཞིག་བྱང་ཆུབ་སེམས་དཔའ་དང་། ཉན་ཐོས་དང་། འཇིག་རྟེན་སྐྱོང་བ་ལ་སོགས་པ་རྣམ་པ་དུམ་དང་ལྡན་པའི་འཁོར་རྣམས་ལ་དགོངས་པ་ཐ་དད་ཀྱི་བསས་པ་དང
28a3 འཐུན་པའི་བཀོད་པ་ཆེན་པོ་བསྐྱེད་པ་དང་། ཆོ་འཕྲུལ་དུ་མ་བསྒྱུར་བ་དང་འོད་ཟེར་དུ་མ་འགྱེད་ཅིང་ཐབས་ཅིག་ཏུ་བཞུགས་སོ།། དེ་ནས་བཅོམ་ལྡན་འདས་ཀྱིས་འཛུམ་བཞིན་དུ་འཁོར་ལ་གཟིགས་ནས་ལྗགས་ཀྱི་དབང་།
28a4 པོ་བཀྲམ་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེ་ལ་བཀའ་སྩལ་པ། ཡི་གེ་མིང་ཚིག་དག་གི་སྒོས།། སྔགས་དབྱིབས་ཆོས་སུ་བྱིན་བརླབས་ཀྱིས།། ཡི་གེ་སྒྲ་ཙམ་ཕྱེད་དམ་གཅིག
28a5 མངོན་སུམ་རྗེས་འཇུག་རིང་ཐུང་དང་།། དབྱངས་དང་གསལ་བྱེད་མཚོན་མས་མཚན།། ས་བཅུ་ཕ་རོལ་ཕྱིན་བཅུ་དང་།། དབང་བཅུ་དོན་བཅུ་རྣམ་པ་བཅུ།། མི་འཇིགས་བཞི་དང་མ་འདྲེས་ཆོས།། བྱམས་དང་ཐུགས
28a6 རྗེ་ཆེན་པོ་དག། དབྱངས་གཅིག་གིས་ནི་སྔགས་སུ་གྱིས།། སྡུག་བསྔལ་སྣ་ཚོགས་རབ་ཞི་དང་།། ཡིད་འཕྲོག་དཔལ་འབྱོར་དབང་ཕྱུག་དང་།། མཐུ་སྟོབས་དུ་མ་བསྐྱེད་པ་དང་།། རྟག་གནས་ཐོབ་དང་དོན་ངེས་ཐོབ།།
28a7 རྡོ་རྗེ་བླ་ན་མེད་སེམས་བསྐྱེད།། མདོར་ན་གང་གིས་གང་འདོད་པ།། བསམ་པས་སེམས་རྣམས་རྫོགས་པའི་ཕྱིར།། རྡོ་རྗེ་བླ་ན་མེད་པ་གསོར།། ཆོས་སུ་བླ་ན་མེད་པ་སྒྲོགས།། འཁོར་ལོ་བླ་ན་མེད་པ
iiif viewer powered by OpenSeadragon
