| e-texts navigator |
| Wylie |
196a1 འགྱུར།། དཔལ་ལྡན་བྱང་ཆུབ་སེམས་དཔའ་དང་།། དཔལ་ལྡན་ལྷ་མོ་ནག་མོ་ཡི།། མིང་བརྒྱ་རྩ་བརྒྱད་གང་འཛིན་པ།། ཡོན་ཏན་བརྒྱ་རྩ་བརྒྱད་ཐོབ་སྟེ།། སྐུ་གསུང་ཐུགས་ནི་གྲུབ་ནས
196a2 ཀྱང་།། ཁམས་གསུམ་ཆོས་ཀྱི་རྒྱལ་པོར་འགྱུར།། ཞེས་གསུངས་པ་དང་།། བྱང་ཆུབ་སེམས་དཔའི་འཁོར་དེ་དག་དང་། དཔལ་ལྡན་ལྷ་མོ་ནག་མོ་ཆེན་མོ་རྣམས་ངོ་མཚར་དུ་གྱུར་ཏེ། བཅོམ་ལྡན་འདས་ཀྱིས
196a3 གསུངས་པ་ལ་རྗེས་སུ་ཡི་རང་ཞིང་མངོན་པར་བསྟོད་དོ།། དཔལ་ལྷ་མོ་ནག་མོ་ཆེན་མོའི་མཚན་བརྒྱ་རྩ་བརྒྱད་པ་ཡོན་ཏན་དང་བཅས་པ་རྫོགས་སོ།། ལྷའི
196a4 དབང་པོ་བརྒྱ་བྱིན་གྱིས་བསྟོད་པ།། དུས་གསུམ་འཁོར་བའི་སྡུག་བསྔལ་ཆེན་པོ་དང་།། འདོད་ཆགས་ཞེ་སྡང་གཏི་མུག་གསུམ་གྱི་རྒྱུས།། སྡིག་མིན་ལས་གྲུབ་ལྷ་དང་ལྷ་མ་ཡིན།། དམྱལ་ཚོགས་མེ་ལྟར་འབར་བའི་གནས
196a5 འདི་རུ།། ཤ་ཁྲག་དམར་ལ་རོལ་པའི་ལྷ་མོ་ཁྱོད།། ལྷ་ཡི་གཡུལ་ངོ་རྒྱལ་བར་ཞལ་ཆེས་ལས།། ལྷ་མ་ཡིན་གྱི་དཔུང་རྣམས་བརླག་པར་མཛོད།། ཅེས་བསྟོད་དོ།། རྫོགས་སོ།།
196a6 དཀོན་མཆོག་གསུམ་ལ་ཕྱག་འཚལ་ལོ།། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམ་པར་སྣང་མཛད་ཀྱི་རྒྱལ་པོ་ལ་ཕྱག་འཚལ་ལོ།། བྱང་ཆུབ་སེམས་དཔའ
196a7 སེམས་དཔའ་ཆེན་པོ་སྙིང་རྗེ་ཆེན་པོ་དང་ལྡན་པ་འཕགས་པ་ནམ་མཁའི་སྙིང་པོ་ལ་ཕྱག་འཚལ་ལོ།། ཏདྱ་ཐཱ། བཛྲ་མ་བུ། བུདྡྷ་བཛྲེ། བཛྲ་མ་བུ་བུད་དྷ་ཛེ། ཤཱུ་ནྱ་ཏཱ་པྲ་བེ་ཤེ། བཻ་རོ་ཙ་ན་གརྦྷེ། པཙྪེ་དྲི་ཡ། ཨ་བ་བོ་དྷ་ན་སྭཱ་ཧཱ།
iiif viewer powered by OpenSeadragon
