| e-texts navigator |
| Wylie |
194a1 ཤོག། ཅེས་བསྟོད་དོ།། དེ་ནས་དཔའ་ཕྱག་ན་རྡོ་རྗེས་འདུས་པ་རྣམས་ལ་བཀའ་སྩལ་པ། ཁྱེད་ཀྱིས་དཔལ་ལྷ་མོ་ལ་བསྟོད་པ་ལེགས་སོ།། ད་ཡང་བསྟོད་པ་འདི།
194a2 དག་གི་དོན་སྒོམས་ཤིག། ཡིད་ལ་རྟག་ཏུ་ཟློས་ཤིག། ལྷ་མོ་འདི་ལ་བསྟོད་པ་ནི་ངལ་བསྟོད་པ་ཡིན་ནོ།། སངས་རྒྱས་ཐམས་ཅད་ལ་བསྟོད་པ་ཡིན་ནོ།། ལྷ་མོ་དེ་དག་ཀྱང་མི་འདི་སྲུང་བར་བྱེད་དོ།། སྐྱོབ་པར་བྱེད་དོ།།
194a3 ཅི་འདོད་པའི་དངོས་གྲུབ་སྟེར་རོ་ཞེས་བཀའ་སྩལ་པ་དང་། འཁོར་དེ་རྣམས་རབ་ཏུ་དགའ་ནས། བཅོམ་ལྡན་འདས་ཕྱག་ན་རྡོ་རྗེ་ལ་རྒྱན་གྱི་ཆར་ཆེན་པོ་ཕབ་ནས་སོ་སོའི་གནས་སུ་འཁོད་དོ།། བསྟོད་པའི་རྒྱལ་པོའི
194a4 རྒྱུད་རྫོགས་སོ།། །། རྒྱ་གར་སྐད་དུ། ཤྲི་དེ་ཝི་ཀཱ་ལི་ཨཥྚ་ཤ་ཏ་ཀ། བོད་སྐད་དུ། དཔལ་ལྷ་མོ་ནག་མོའི་མཚན་བརྒྱ་རྩ་བརྒྱད་པ། སངས་རྒྱས་དང
194a5 བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་བྱ་རྒོད་ཀྱི་ཕུང་པོའི་རི་ལ་བཞུགས་ཏེ། རྒྱུ་དང་འབྲས་བུའི་བྱང་ཆུབ་སེམས་དཔའ་ཐམས
194a6 ཅད་ལ་བདེན་པའི་མཚན་རྣམས་སྟོན་པར་མཛད་དོ།། དེའི་ཚེ་དཔལ་ལྷ་མོ་ནག་མོ་ཆེན་མོའང་བཅོམ་ལྡན་འདས་ཀྱི་ཐད་དུ་སོང་སྟེ། ལན་གསུམ་བསྐོར་བ་བྱས་ནས་བཅོམ་ལྡན་འདས་ཀྱི་སྤྱན་སྔར་ཕྱོགས་གཅིག
194a7 ཏུ་འདུག་གོ།། དེ་ནས་བྱང་ཆུ་སེམས་དཔའ་སེམས་དཔའ་ཆེན་པོ་སེང་གེ་བརྩོན་འགྲུས་ཀྱིས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་བྱང་ཆུབ་སེམས་དཔའ་སྲིན་མོའི་ཆ་ལུགས
iiif viewer powered by OpenSeadragon
