| e-texts navigator |
| Wylie |
190b1 ལྟར་བསྟོད་ན་བསྟོད་པར་འགྱུར་གྲངས་པས།། ཁྱོད་ནི་བསྟོད་པའི་ཡུལ་ཅན་མ་ཡིན་ཡང་།། བྱིས་པ་དྲང་ཕྱིར་དོན་ལ་འདི་ལྟར་བསྟོད།། ། དེ་ནས་ནམ་མཁའ་ལྡིང་གི་རྒྱལ་པོ་རྡོ་རྗེ་གསེར་མིག
190b2 ཅན་གྱིས། དཔལ་ལྷ་མོ་ལ་བསྟོད་པ། དཔལ་ལྡན་ལྷ་མོ་དཔག་པར་དཀའ་བའི་དོན།། ཐབས་ཀྱི་ཆོ་འཕྲུལ་ནམ་མཁའི་མཁའ་ལ་སྤྱོད།། བྱང་ཆུབ་སེམས་དཔའི་སྤྲུལ་པ་ཁྱོད་ཉིད་ལ།། སྒོ་གསུམ་རྡུལ་སྦེད་དབྱངས
190b3 ཀྱིས་ཕྱག་འཚལ་བསྟོད།། བདག་གིས་ཁྱོད་ནི་མཆོད་པས་མ་བསྒྲིབས་ཀྱང་།། དཔལ་ལྡན་དངོས་གྲུབ་དམ་པ་ཐོབ་བྱའི་ཕྱིར།། འདོད་པའི་ཡོན་ཏན་མཁའ་ལ་ཆེར་བབས་པས།། མཆོད་པའི་ཚོགས་འདིས་དབང
190b4 པོ་རྒྱལ་གྱུར་ཅིག། དཔལ་ལྟརན་ཁྱོད་ནི་དགེ་སྡིག་བདག་པོ་སྟེ།། བདག་གི་ལུས་ངག་ཡིད་ཀྱི་སྡིག་པའི་ཚོགས།། ཁྱོད་ཀྱི་ཐད་དུ་འགྱོད་པས་རབ་བཤགས་ན།། ཐུགས་རྗེའི་ཤུགས་ཀྱིས་སྒྲིབ་པ་བྱང་བར་མཛོད།། ཁྱོད་ཀྱི
190b5 ཁྱད་པར་ཡོངསུ་འཕགས་པ་ནི།། འགྲོ་བའི་དོན་མཛད་བདག་དོན་ཕུན་སུམ་ཚོགས།། དགའ་འཐུན་ཕྲག་དོག་མེད་པའི་སྤྲོས་པ་ནི།། རྗེས་སུ་ཡི་རང་ཁྱོད་ཀྱི་རྒྱུད་ལ་འབུལ།། འདི་ལྟར་ཡོན་ཏན་ལྡན་པའི་སྐུ་མཆོག་ནི།།
190b6 ནག་མོ་བཟང་མོ་འཇིགས་པའི་མཐུ་སྟོབས་ཀྱིས།། ཕྱོགས་བཅུའི་དུས་གསུམ་ཀུན་ཏུ་འགྲོ་དོན་ལ།། སྒྱུ་འཕྲུལ་དྲ་བའི་ཚུལ་གྱིས་བསྐུལ་བར་སྤོབས།། ཡང་དག་ཁྱོད་ཀྱི་ཡོན་ཏན་སྐུ་མཆོག་ནི།། གདུག་པ་འདུལ་ཞིང
190b7 བསྟན་པ་བསྲུང་བའི་ཕྱིར།། སེམས་ཅན་ཟད་པར་མ་གྱུར་བར་དུ་ནི།། མྱ་ངན་མི་འདའ་བཞུགས་པར་གསེལ་བ་གདབ།། འདི་ལྟར་ཕྱག་འཚལ་མཆོད་ནས་བཤགས་པ་དང་།། རྗེས་སུ་ཡི་རངས་བསྐུལ་ཞིང་གསོལ
iiif viewer powered by OpenSeadragon
