| e-texts navigator |
| Wylie |
190a1 བརྟགས་ནས།། གཟུགས་ཅན་ཚུལ་དུ་གང་ཞིག་བསྟོད་པའི་ཚིག། རྒྱལ་བའི་དོན་ཡངས་ཐུགས་ཆུད་ཁྱོད་ཉིད་ལ།། ཚིག་དང་ཡི་གེའི་སྒོ་ནས་བསྟོད་པ་རྣམས།། རྣམས་ཀྱང་གྲོལ་བར་འགྱུར་བའི་ཆོས་ཉིད
190a2 མིན།། གདོད་ནས་གཉིས་མེད་བདེ་ཆེན་མ་གཏོགས་པར།། ཁྱོད་ཀྱི་སྨོན་ལམ་བརྟགས་ཀྱི་ཆོ་འཕྲུལ་ལ།། དོན་དུ་བཟུང་ནས་གང་ཞིག་བསྟོད་པ་རྣམས།། ཁྱོད་ལ་བརྟེན་ནས་ཐམས་ཅད་བཏུབ་པར་འགྱུར།། གང་ཞིག་སྐྱེ་བ
190a3 མེད་པར་ཤེས་པ་དང་།། གདོད་ནས་གཉིས་མེད་སྙིང་པོ་བསྒོམ་ནུས་ན།། གང་ཟག་དེས་ནི་ཁྱོད་ཉིད་བསྟོད་པ་ཡིན།། ཁྱོད་ཀྱི་གཟུགས་དང་ཁ་དོག་འཛིན་པ་ཡིས།། བསྐལ་པ་གྲངས་མེད་འདས་པར་རབ་བལྟས་ཀྱང་།། ཁྱོད་ཀྱི་གཟུག
190a4 དང་ཁ་དོག་མཐོང་མི་ནུས།། གང་ཞིག་གཟུགས་སུ་མི་འཛིན་རྣམས་ཀྱིས་མཐོང་།། སྒྲ་དང་ཚིག་དང་བརྗོད་པ་ཐམས་ཅད་ཀྱིས།། ཁྱོད་ནི་བོས་ཀྱང་བསྐལ་པར་མི་ཐོས་ཏེ།། འདི་དག་སྤངས་པའི་རྣལ་འབྱོར་དེ་ཡིས་ནི།།
190a5 ཁྱོད་ཀྱང་བོས་ལ་དེ་ཡང་ཁྱོད་ཀྱིས་ཐོས།། གང་ཞིག་ལུས་ངག་དགེ་པས་ཁྱོད་སྒྲུབ་པའི།། བླུན་པོ་དེ་ཡིས་རྣམས་ཀྱང་ཁྱོད་ཉིད་སྤངས།། ལུས་ངག་སྤངས་པའི་སེམས་ཀྱིས་ཁྱོད་མཆོད་ནས།། མཆོད་ན་དངོས་གྲུབ་དེ་ཡིས
190a6 གཏེར་ཐོབ་འགྱུར།། ཁྱོད་ནི་རྒྱལ་བ་མང་པོའི་ཡོན་ཏན་སྡུད།། ཆོས་ཀྱི་དབྱིངས་ན་རྒྱལ་བ་རྣམས་དང་མོ་ལ།། ཟབ་མོ་དབུ་མའི་རང་བཞིན་སྟོན་པའི་ཕྱིར།། མི་མཇེད་འཇིག་རྟེན་ཤིན་ཏུ་རྩུབ་པ་འདིར།། ཕྱི་རོལ་ཚུལ་གྱིས
190a7 ཐམས་ཅད་འདྲེན་མཛད་མ།། ཁྱོད་ཀྱི་སྐུ་ནི་འདི་ལྟར་རབ་བརྟགས་པ།། སྒྲིབ་པ་མང་པོ་སྟོང་ཉིད་དང་དུ་གཤེགས།། སྟོང་ཉིད་དམ་པ་སྟོང་པ་ཡང་དག་ཁྱོད།། སྟོང་པ་གཉིས་མེད་ཤེས་པ་རྣམས་ཀྱིས་བསྟོད།། འདི
iiif viewer powered by OpenSeadragon
