| e-texts navigator |
| Wylie |
189a1 ནེའུ་ལེ་བསྣམས།། དབང་དྲག་རྫོགས་ཕྱིར་རལ་པའམ་ནག་སྡུག། ཉོན་མོངས་འདྲེན་ཕྱིར་རྗོད་པལ་མཆེ་བ་གཙིགས།། འཁོར་བ་སྔགས་ལ་བཀར་ཕྱིར་དཀན་སྤ་འདེབས།། གདུག་པ་ཞི
189a2 ལ་གནོན་ཕྱིར་སྡང་མིག་བགྲད།། ཐམས་ཅད་དབང་དུ་སྡུད་ཕྱིར་སྤྱན་རྩ་དམར།། སྙོམས་པའི་ཚོགས་མཆོག་མི་འགྱུར་སྐུ་མདོག་གནག། མ་མོ་འདུལ་ཕྱིར་དུར་ཁྲོད་རྒྱན་གྱིས་བརྒྱན།། སྐུ་གསུང་ཐུགས་རྟགས།
189a3 ཕྱག་རྒྱ་ལ་ཊྭཱཾ་གསོར།། སྐུ་གསུམ་རྫོགས་བྱེད་ཐོད་པའི་འཕྲེང་བས་བརྒྱན།། དྲག་པོ་མྱུར་མགྱོགས་བསྟན་ཕྱིར་ཚུབ་མས་བརྒྱན།། ཉོན་མོངས་སྲེག་ཕྱིར་མེ་ཕུང་ནང་ན་བཞུགས།། འདོད་ཁམས་བསྐྱང་ཕྱིར་ཡོངས
189a4 འདུ་ཤིང་ལ་བརྟེན།། ལྷ་མིན་འདུལ་ཕྱིར་རྫིང་གི་དཀའ་བཟློག་མ།། དཔའ་བརྟན་བརྟན་ཕྱིར་སྟག་གི་ཤམ་ཐབས་མནབས།། བསྟན་པ་སྲུང་ཕྱིར་དྲག་མོའི་ཆ་ལུགས་རྫོགས།། ང་རྒྱལ་དབང་སྡུད་བདག་མེད་སྒྲ་སྔོགས
189a5 ཕྱིར།། ཐབས་ཀྱི་སྙན་ཆ་གཡས་པ་སེང་གེས་བརྒྱན།། ཞེ་སྡང་དབང་འདུལ་དུག་ཆེན་འདུལ་བའི་ཕྱིར།། ཤེས་རབ་སྙན་ཆ་གཡོན་པ་སྦྲུལ་གྱིས་བརྒྱན།། འདུ་བྱེད་མི་རྟག་རྟགས་སུ་དྲིལ་བུ་སྒྲོགས།། ཆགས་ཕྱིར་རྔམ
189a6 མཛད་རཀྟའི་དྲ་གློང་འཐུང་།། དམ་ཚིག་སྲུང་ཕྱིར་ཞིང་ལྤགས་རྒྱན་དུ་མཛད།། ཐ་དད་ལས་རྣམས་འདུལ་ཕྱིར་རྨ་བྱའི་འཕྲུལ།། ཉོན་མོངས་སྒྲིབ་པའི་ཚོགས་རྣམས་རབ་སྦྱངས་ནས།། ཡེ་ཤེས་རིག་པའི་ཚོགས་རྣམས
189a7 ཤར་བའི་ཕྱིར།། རང་བཞིན་གནས་མཆོག་བྱང་ཤར་མཚམས་ན་བརྟན།། དབུ་མའི་ས་ལ་གནས་ཕྱིར་དྲེའུ་ཞོན།། ཉོན་མོངས་གདུག་པ་འདུལ་ཕྱིར་མི་ཡི་ཚུལ།། མཁའ་འགྲོ་མ་མོ་ཁྱོད་ལ་ཕྱག་འཚལ་བསྟོད
iiif viewer powered by OpenSeadragon
