| e-texts navigator |
| Wylie |
188a1 དོན་དམ་དབྱིངས་ཀྱིས་བསྟོད།། མུ་སྟེགས་སངས་རྒྱས་གཉིས་མེད་ཚུལ་གཅིག་པས།། དབྱིངས་དང་རིག་པ་གཉིས་མེད་དོན་རྟོགས་ཏེ།། སྲིང་དང་རྣམ་གྲོལ་ཡང་དག་དོན་གཅིག་པས།
188a2 ཐམས་ཅད་གཉིས་མེད་སྐུ་ལ་ཕྱག་འཚལ་བསྟོད།། ཕྱི་དང་ནང་མེད་གཉིས་མེད་གཅིག་གི་དང་།། སེམས་ལྡན་སེམས་མེད་རྣམ་དག་ཞི་བའི་ཚུལ།། སྣང་དང་མི་སྣང་གཉིས་མེད་གཅིག་གིས་མཐོང་།། གཉིས་མེད་དོན
188a3 མཆོག་ཁྱོད་ལ་ཕྱག་འཚལ་བསྟོད།། འདི་དག་རྣམས་ནི་དོན་དུ་མ་ཟབ་མོའི་ཚུལ།། སྤྲོས་པ་མེད་པའི་དོན་དང་འབྲེལ་བ་སྟེ།། འདི་རྣམས་ལྷ་མོ་ཁྱོད་ཀྱི་ཐུགས་ལ་གསལ།། འདི་ལྟར་བསྟོད་པས་བདག་ཀྱང་ཁྱོད་ལྟར་ཤོག།
188a4 དེའི་ཚེ་དེའི་དུས་ན་དྲི་ཟའི་རྒྱལ་པོ་ཟུར་དུད་ལྔ་པས།། དཔལ་ལྷ་མོ་ལ་འཕྲིན་ལས་ཀྱི་སྒོ་ནས་བསྟོད་པ།། སེམས་ཉིད་འཕྲིན་ལས་རྣམ་བཞིའི་ཁྱད་པར་ནི།། སེམས་ཉིད་གུད་ན་མེད་ཅིང
188a5 སེམས་ཀྱང་མེད།། དོན་དམ་སྤྲོས་བྲལ་ཁ་དོག་གཟུགས་ཀྱང་མེད།། ཀུན་རྫོབ་སྒྱུ་མ་ཙམ་དུ་རང་གི་སེམས།། འཐུན་པར་བསྟན་པའི་ཞི་བ་དཔལ་ལྷ་མོ།། ཞི་མཛད་ནི་འགྱུར་ཞི་བའི་ངང་ཚུལ་ཅན།། ཞི་བའི་འཁོར་གྱིས།
188a6 བསྐོར་བའི་གཙོ་མོ་ནི།། རྟགས་ཀྱི་སྐུ་མདོག་དཀར་མོ་ཤིན་ཏུ་མདངས།། ཀུན་ཏུ་ནི་མཛད་ཁྱོད་ལ་ཕྱག་འཚལ་བསྟོད།། བདག་གི་དགྲ་དང་ནད་རྣམས་ཞི་བར་མཛོད།། མཐུན་པར་བསྟན་པའི་རྒྱས་པའི་དཔལ་ལྷ་མོ།
188a7 རྒྱས་མཛད་རྒྱས་འགྱུར་རྒྱས་པའི་ངང་ཚུལ་ཅན།། རྒྱས་པའི་འཁོར་གྱིས་བསྐོར་བའི་གཙོ་མོ་ནི།། རྟགས་ཀྱི་སྐུ་མདོག་སེར་མོ་ཤིན་ཏུ་བརྗིད།། ཀུན་ཏུ་རྒྱས་མཛད་མ་ལ་ཕྱག་འཚལ་བསྟོད།། བདག་གི་བསོད་ནམས།
iiif viewer powered by OpenSeadragon
