| e-texts navigator |
| Wylie |
187b1 ཤོག།། དེ་ནས་མི་འམ་ཅིའི་རྒྱལ་པོ་ལྗོན་པརྟ་མགོ་ཅན་གྱིས།། དཔལ་ལྷ་མོ་ནག་མོ་ཆེན་མོ་ལ་གཉིས་སུ་མེད་པའི་སྒོ་ནས་བསྟོད་པ། དཔལ་ལྡན་ལྷ་མོ་གཉིས་སུ་མེད་པ་སྟེ།། དོན་དམ་སྤྲོས།
187b2 བྲལ་ཆོས་ཉིད་འདི་ལས་བཙལ།། དོན་དམ་ཀུན་རྫོབ་གཉིས་སུ་མེད་པས་བདེན།། འཁོར་བ་མྱ་ངན་གཉིས་སུ་མེད་པས་ཟབ།། སེམས་ཅན་སངས་རྒྱས་གཉིས་སུ་མེད་པས་འཕགས།། ལས་དང་རྣམ་སྨིན་གཉིས་སུ
187b3 མེད་པས་བསྟོད།། རྒྱུ་དང་འབྲས་བུ་གཉིས་སུ་མེད་པས་སྨིན།། ཡུལ་དང་ཡུལ་ཅན་གཉིས་མེད་གཅིག་གི་དང་།། སྤོས་དང་སྤྲོས་མེད་དོན་དམ་དབྱིངས་ཀྱིས་བསྡུས།། བསོད་ནམས་ཡེ་ཤེས་གཉིས་མེད་ཚོགས
187b4 ཆེན་ཏེ།། མཐོང་དང་དམ་པ་གཉིས་མེད་དག་པས་བསྟོད།། བདག་དང་གཞན་གྱི་ཆོས་ནི་ངང་ཚུལ་གཅིག། གཟུང་དང་འཛིན་པ་གཉིས་མེད་ཟབ་མོའི་མཐུ།། མཐོ་རིས་ངན་སོང་གཉིས་བྲལ་དག་པའི་ཞིང་།། བཟང་ངན
187b5 གཉིས་མེད་རང་བཞིན་གཅིག་གིས་བསྟོད།། བསྐྱེད་མེད་རྫོགས་པ་གཉིས་མེ་ལྷུན་གྲུབ་མཆོག། སེམས་དང་ཕུང་པོ་གཉིས་མེད་སེམས་ཉིད་དེ།། སྒྲུབ་དང་བསྒྲུབ་བྱ་གཉིས་མེད་གྲུབ་པའི་ངང་།། བདག་གཞན་གཉིས
187b6 མེད་ཚུལ་མཆོག་གཅིག་གིས་བསྟོད།། ཡབ་དང་ཡུམ་མཁའ་གཉིས་མེད་བྱང་ཆུབ་སེམས།། ཐབས་དང་ཤེས་རབ་གཉིས་སུ་མེད་པའི་དོན།། སྟོང་དང་མི་སྟོང་གཉིས་མེད་ཞི་བའི་ངང་།། གྱུར་དང་འགྱུར་མེད
187b7 རྩོལ་བྲལ་ཕྱག་འཚལ་བསྟོད།། སྒྲ་ཚིག་གཉིས་མེད་བརྗོད་པ་མེད་པའི་ངང་།། ལུས་ངག་གཉིས་མེད་སེམས་ཉིད་གཅིག་པའི་ཚུལ།། རྩོལ་བྱེད་རྩོལ་བྱ་གཉིས་མེད་དོན་གཅིག་པས།། རྣམ་པར་སྤྲོས་མེད
iiif viewer powered by OpenSeadragon
