| e-texts navigator |
| Wylie |
186a1 བཀའ་སྩལ་པ་དང་། འཁོར་གྱི་ནང་ནས་ལྷའི་དབང་པོ་བརྒྱ་བྱིན་སྟན་ལས་ལངས་ཏེ། དཔལ་ལྷ་མོ་ནག་མོ་ལ་དགེ་བ་བཅུའི་སྒོ་ནས་བསྟོད་པ། སྔོན་འདས་བསྐལ་པ་དང་པོའི་ཕ་རོལ
186a2 ན།། དགེ་བཅུའི་ལས་ལ་སེམས་རབ་ཆེར་སྤངས་ནས།། ལམ་གྱི་ཁྱད་པར་གོང་མོ་རབ་རྫོགས་ཀྱང་།། མཐོ་རིས་སྐྱེས་གནས་རྣམས་ལ་དགེ་བཅུ་ཡི།། ཚུལ་གྱིས་དོན་མཛད་ཕྱི་རོལ་བསྒྱུར་བ་ཡི།། དཔལ་ལྡན
186a3 ལྷ་མོ་ཁྱོད་ལ་ཕྱག་འཚལ་བསྟོད།། འདས་པའི་དུས་ན་སྲོག་གཅོད་རབ་སྤངས་པས།། སྐུ་ཚེ་རིང་ཞིང་གཟུགས་བྱེད་ཕུན་སུམ་ཚོགས།། གཞན་གྱི་ལན་ཆགས་གནོད་པའི་རྐྱེན་དང་ལྡན།། འཆི་བདག་འཇོམས
186a4 མཛད་ཁྱོད་ལ་ཕྱག་འཚལ་བསྟོད།། མ་བྱིན་ལེན་པའི་ཚུལ་ལ་རབ་སྤངས་པས།། བསོད་ནམས་ཚོགས་ཀྱིས་ལོངས་སྤྱོད་ཕུན་སུམ་ཚོགས།། གཏེར་གྱི་ལོངས་སྤྱོད་མི་འགྲིབ་རབ་བརྟན་བརྙེས།། ། སྦྱིན་པའི
186a5 གཏེར་འཆང་ཁྱོད་ལ་ཕྱག་འཚལ་བསྟོད།། མི་ཚངས་སྤྱོད་པའི་བཀའ་རྣམས་སྲུང་བ་དང་།། མངལ་གྱི་གྲོང་ཁྱེར་དམན་ལས་རྣམ་པར་འཕགས།། སྲིད་པའི་འདོད་ཆགས་རིང་དུ་སྤངས་པ་སྟེ།། དགེ་སྦྱོང
186a6 ཆེན་མོ་ཁྱོད་ལ་ཕྱག་འཚལ་བསྟོད།། ཉོན་མོངས་བརྫུན་ཚིག་སྤངས་པའི་རྣམ་སྨིན་གྱིས།། གསུང་གི་དངོས་གྲུབ་འཇིག་རྟེན་འདུལ་བའི་གཙོ།། གསུང་མཆོག་རྣམ་དག་བརྙེས་པའི་རང་བཞིན་ཏེ།
186a7 བདེན་པར་གསུང་བ་ཁྱོད་ལ་ཕྱག་འཚལ་བསྟོད།། ཕྲ་མའི་སྐྱོན་སྤངས་མི་ཕྱེད་འཁོར་དང་ལྡན།། ཉིད་ལ་རྣམ་པར་འདུལ་བའི་འཁོར་གྱིས་བསྐོར།། ལྷ་དང་ལྷ་མིན་བདེན་པས་འདུལ་མཛད་མ།། དཀར
iiif viewer powered by OpenSeadragon
