| e-texts navigator |
| Wylie |
172a1 བ། གཡོན་པའི་ལག་ན་འབྲུའི་སྣོད་བཟུང་ཞིང་འབྲུ་སྡུག་བཞིན་པ། གསེར་གྱི་མདོག་རྒྱུན་ཐམས་ཅད་ཀྱིས་བརྒྱན་པ་གཉིས་བྲི་བར་བྱའོ།། མཛོད་ཀྱི་ཁང་པར་ཡང་དྲི་དང་། བྱུག་པ་དང་མཆོ།
172a2 ཡོན་སྦྱིན་ཞིང་གདུགས་དང་། རྒྱལ་མཚན་དང་། བ་དན་ལ་སོགས་པས་བཅོམ་ལྡན་འདས་མའི་ཐང་ཀའི་མཛོད་ཀྱི་ནང་དུ་གཞུག་པར་བྱའོ།། དེ་ནས་འོ་མའི་ཆུ་རྒྱུན་གཏོར་བཞིན་པའི་སྔགས་པས་འགྲོ་བར་བྱ
172a3 ཞིང་དེའི་རྒྱབ་ནས་དེ་ནས་བྲི་བར་ཁྱིམ་དུ་གཞུག་པར་བྱའོ།། དེའི་རྗེས་ལ་འབྲུའི་མཛོད་ཁང་དུ་ཕྱག་རྒྱ་གཞག་པར་བྱའོ།། དེ་ནས་མཛོད་ཀྱི་ཁང་པའི་སྒོ་རུ་དགེ་འདུན་གྱི་སྟོན་མོ་བྱས་ལ་དྲི་དང་། མེ་ཏོག་དང་།
172a4 བདུག་པ་ལ་སོགས་པས་མཆོད་དོ།། ནོར་རྒྱུན་མའི་གཟུངས་རྫོགས་པར་བཀླག་པར་བྱའོ།། གཏོར་མ་རྒྱ་ཆེན་པོ་བྱས་ལ་ཐང་ཀའི་མདུན་དུ་དེ་ནས་སྐྱེས་བུས་འབྲུ་ཕྱིར་འབྱིན་པར་བྱེད་དེ། དེ་ནས་བཅོམ་ལྡན
172a5 འདས་མ་དང་འདྲ་བར་བསམས་ལ་གུར་ཀུམ་གྱིས་གྲོག་ལ་སྔགས་བྲིས་ལ་སྤྱི་བོར་བཅིངས་ལ་ཁ་གོས་ཀྱིས་བཀབ་ལ་ཉི་མ་རེ་རེ་ནིང་འབྲུ་ཕྱིར་དབྱུང་བར་བྱའོ།། མཛོད་ཁང་གི་སྒོ་རུ་ཉི་ནི་རེ་ནོར་རྒྱུན་མ
172a6 ཞེས་པའི་གཟུངས་ཀྱི་མདོ་བཀླག་པར་བྱའོ།། སྔགས་པས་བསྒྲུབ་བྱའི་སྔགས་བལྟས་ལ་དུས་གསུམ་དུ་བརྒྱད་བརྒྱ་བཟླས་པ་བྱའོ།། ཇི་ལྟར་རྙེད་པའི་བཅོམ་ལྡན་འདས་མ་ནོར་རྒྱུན་པའི་རྟོག་པ
172a7 རྫོགས་སོ།། ། རྒྱ་གར་སྐད་དུ། ཨརྱ་ག་ཎ་པ་ཏི་ཧྲྀ་ད་ཡ། བོད་སྐད་དུ། འཕགས་པ་ཚོགས་ཀྱི་བདག་པོའི་སྙིང་པོ། སངས
iiif viewer powered by OpenSeadragon
