| e-texts navigator |
| Wylie |
171a1 པ་མ་ཆད་པའི་རས་ཞེང་དུ་མཐོ་གང་གི་ཚད་ཉིད་ལ་རིང་དུ་མཛོད་བྱས་ཏེ། སྟེང་དུ་བཅོམ་ལྡན་འདས་བྲི། གཡས་སུ་འཕགས་པ་སྤྱན་རས་གཟིགས་བྱ།། གཡོན་དུ་རྡོ་རྗེ་འཆང་བྱ། བཅོམ
171a2 ལྡན་འདས་ཀྱི་འོག་དྲང་ཀའི་དབུས་སུ་བཅོམ་ལྡན་འདས་མ་བྲིས་ཏེ། གསེར་གྱི་མདོག་ཅན་རྒྱན་ཐམས་ཅད་ཀྱིས་བརྒྱན་པ། གྲོས་སྲབ་མོའི་ཤམ་ཀ་གཽ་མནབས་པ། དེ་བཞིན་དུ་གོས་སྲབ་མོའི་སྟོད
171a3 གཡོགས་ཅན། ཁ་དོག་སྣ་ཚོགས་ཀྱི་ཤམ་ཐབས་དང་ལྡན་པའོ།། དེ་ནས་འོག་ཕྱོགས་སུ་སྒྲུབ་པ་པོ་ལག་ན་མཆོད་པའི་ཆོ་ག་བྱའོ།། དེ་ནས་སྒྲུབ་པ་པོས་གཙང་སྦྲབས་གོས་གཙང་མགྱོན་ཏེ། གསོ་སྦྱོང་ཡན་ལག
171a4 བརྒྱད་བྱའོ།། དེའི་མདུན་དུ་བསྙེན་པ་འབུམ་ཕྲག་གཅིག་བྱས་ལ་ཇི་ལྟར་འབྱོར་པས་མཆོད་པའི་ཆོ་ག་བྱའོ།། དེ་ནས་སྒྲུབ་པ་པོ་དང་ལྡན་པས་སྤྲིང་བ་བྱས་ཏེ། ཞིང་གི་དབུས་སུ་ཐང་སྐུ་བཞུགས་སུ་གསོལ་ཏེ།། དྲི་དང་།།
171a5 མེ་ཏོག་དང་། བདུག་པ་དང་། ཉེ་བར་ལོངས་སྤྱོད་པའི་གཏོར་མ་བྱས་ལ་བརྒྱད་བརྒྱ་བཟླས་པར་བྱའོ།། ཐང་ཀའི་འོག་ཏུ་ལན་བརྒྱ་རྩ་གཅིག་གིས་སྔགས་བྱས་པའི་བུམ་པ་ཆུས་ཡོངས་སུ་གང་བ
171a6 གནག་པར་བྱའོ།། བུམ་པའི་ཆུས་གཏོར་མ་བཏང་ཤིང་། གླང་བུ་དང་ཐོང་འཛིན་གཉིས་ལ་གཏོར་བར་བྱའོ།། གླང་བུའི་མགུལ་བ་དང་ཐོང་འཛིན་གྱི་མགུལ་བར་མེ་ཏོག་གི་འབྲིང་བ་གདགས་པར་བྱའོ།།
171a7 རྣམས་ཀྱི་མདུན་དུ་སྔགས་པས་ཆུའི་རྒྱུན་ཞིང་ལ་ལན་གཡས་ལོགས་སུ་བསྐོར་བར་བྱ་བ་ནི་སྔགས་པས་མདུན་དུ་འགྲོ་ཞིང་། སྔགས་པའི་རྟིང་ནི་ཞིང་རྨོར་འགྲོ་བར་བྱའོ།། ཕྱིས་ས་བོན་འདེབས་པའི་དུས་སུ།།
iiif viewer powered by OpenSeadragon
