| e-texts navigator |
| Wylie |
170a1 འཐོར་གནོད་བྱས་ཀྱང་འཛད་པར་མི་འགྱུར་ཏེ། ལྷ་ཁང་ཆེན་པོ་བྱའོ།། ཆོ་ག་འདིའི་ཆོ་འཕྲུལ་གྱི་དཀར་པོའི་ཕྱོགས་ལ་བཟླས་པ་བྱས་ན་འཁོར་ལོས་སྒྱུར་བ་འཐོབ་ཅིང་། བཅོམ
170a2 ལྡན་འདས་མ་ནོར་རྒྱུན་མ་དངོས་སུ་མཐོང་ཞིང་ཕྱིར་མི་ལྡོག་པའི་བྱང་ཆུབ་སེམས་དཔར་འགྱུར་རོ།། ཇི་ལྟར་དེ་ལྟར་ཚངས་སྤྱོད་བྱ་ཞིང་ཁ་ན་མ་ཐོ་བའི་ཟས་ཚོང་དང་ཉ་ཤ་ལ་སོགས་པ་སྤངས་ཤིང་མཚན
170a3 མོ་བཟླས་པ་བྱས་ན་དབུལ་པོར་མི་འགྱུར་རོ།། དེ་ནས་བཅོམ་ལྡན་འདས་ལ་འཕགས་པ་ཀུན་དགའ་བོ་དང་། ཟླ་བ་བཟང་པོ་ཡོངས་སུ་དགའ་ནས་ཁྱིམ་བདག་ཟླ་བ་བཟང་པོའི་དོན་དུ་གསུང་བ་ལ་མངོན
170a4 པར་བསྟོད་དོ།། བཅོམ་ལྡན་འདས་མ་ནོར་རྒྱུན་མའི་རྟོག་པ་རྫོགས་སོ།། ། ན་མོ་རཏྣ་ཏྲ་ཡཱ་ཡ། ཨོཾ་བཱ་སུ་དྷ་རེ་སྭཱ་ཧཱ། སྙིང་པོའོ།། ན་མོ་རཏྣ་ཡཱ་ཡ། ཨོཾ་བཱ་སུ་ཤཱི
170a5 སྭཱཧཱ། ཉེ་བའི་སྙིང་པོའོ།། ན་མོ་རཏྣ་ཏྲ་ཡཱ་ཡ། ཨོཾ་བཱ་སཱུ་སྭཱ་ཧཱ། ཉེ་བའི་སྙིང་པོའི་ཡང་ཉེ་བའི་སྙིང་པོའོ།། ཐལ་མོ་སྦྱར་ཏེ་གུང་མོ་གཉིས་དང་། དེ་ནས་སྲིན་ལག་གཉིས་དང་། མཐེའུ་ཆུང་གཉིས་གཤིབས་ཏེ
170a6 སྡིགས་མཛུབ་ཕན་ཚུན་སྦྲེལ་ལ། མཐེའུ་ཆུང་གཉིས་ཅུང་ཞིག་བསྣོལ་ཏེ།། རྩེ་མོ་གཉིས་རྒྱབ་སྤྱད་དེ་ཁབ་ལྟ་བུ་བྱས་ལ། གུང་མི་རྩེ་སྤྲད་པ་ལ་མཐེབ་མོ་ཟུང་གཅིག་དེའི་འོག་ཏུ་སྦྱར་ཏེ། རེག་པ་བཅས་པ་ནི
170a7 རབ་ཏུ་བཟུང་བའི་རྟོག་པ་ལས་གསུངས་པ་སྟེ། ལས་ཐམས་ཅད་སྒྲུབ་པའི་བཅོམ་ལྡན་འདས་མནོར་རྒྱུན་མའི་གཟུངས་འདི། ཐུབ་པས་གསུངས་པའོ།། ན་མོ་རཏྣ་ཏྲ་ཡཱ་ཡ། ཨོཾ་ཤྲཱི་ཡི་ཤྲཱི་ཀ་རི། དྷ་ན་ཀ
iiif viewer powered by OpenSeadragon
