| e-texts navigator |
| Wylie |
169b1 གིས་མཆོད་པ་ཆེན་པོ་བྱས་ལ། ཙན་དན་དང་ཨ་ཀ་རུའི་བདུག་པས་བསྲེག་པར་བྱའོ།། ཞུན་མར་གྱི་མར་མེ་བརྒྱ་དབུལ་བར་བྱའོ།། དེ་ནས་སྟན་གཅིག་ལ་གནས་ལ་བཅོམ་ལྡན་འདས་མའི་ཞལ་ལ་དམིག
169b2 ལ་ནུབ་མོ་མཚན་ཡལ་བཟླས་པ་བྱས་ན་དེ་ནས་སྐྱ་རེངས་ཤར་བའི་དུས་སུ་སྐྱེས་བུ་ཆེན་པོ་ཙམ་གྱི་ནོར་རིན་པོ་ཆེ་ཐམས་ཅད་ཀྱི་རྒྱུན་འབབ་ཅིང་ཁང་པ་གང་བར་འགྱུར་རོ།། ཡང་ན་མཚན་མོ་ཕྱེད་ན
169b3 ཆུའི་ནང་དུ་ཞུགས་ལ་བརྒྱད་བརྒྱ་བཟླས་པར་བྱའོ།། ཟླ་བ་གཅིག་ཏུ་གཅིག་གི་སྦྱོར་བས་ནོར་གྱི་རྒྱུན་འབབ་པར་འགྱུར་ཏེ། མི་ཤེས་པར་ཁ་ཅིག་འཕེལ་བར་འགྱུར་རོ།། ཡང་ན་རྒྱལ་པོའི་དཀོར་མངོན
169b4 པར་འདོད་ན་ཉིན་མོ་ཆུའི་ནང་དུ་བཟླས་པ་བྱ་ཞིང་། མཚན་མོའི་བྱེད་ན་ཏིལ་གྱི་སྦྱིན་སྲེག་བརྒྱད་བརྒྱ་བྱས་ན་རྒྱལ་རིགས་ལས་རྙེད་པ་ཆེན་པོ་འཐོབ་བོ།། ཡུངས་ཀར་མར་ལ་བསྲེས་ནས་སྦྱིན་སྲེག
169b5 བྱས་ན་རྒྱལ་པོ་དབང་དུ་བྱེད་དོ།། ཀུན་ཏུ་རའི་སྦྱིན་སྲེག་བྱས་ན་རྒྱལ་པོའི་བློན་པོ་དབང་དུ་བྱེད་དོ།། ཁ་ཅིག་གིས་ནི་སྦྱོར་བ་གང་གིས་མཚན་མོ་བཅོམ་ལྡན་འདས་པདྨའི་གདན་ཅན་དྲན་པར་བྱས་ནི་སྤྲིན
169b6 བདག་ཆེན་པོར་འགྱུར་རོ།། ཡང་ན་སྒྲུབ་ཐབས་ཆེན་པོ་བཤད་པར་བྱ་སྟེ། ཆོ་འཕྲུལ་གྱི་དཀར་པོའི་ཕྱོགས་ཀྱི་ཚེས་གཅིག་ནས་བརྩམས་ཏེ། ཟས་ཇི་སྲིད་དུ་བཅད་ནས་གདུང་དང་བཅས་པའི་མཆོད
169b7 རྟེན་གྱི་དྲུང་ན་ཐང་ཀ་ནུབ་ཕྱོགས་སུ་བསྟན་ལ་དགྲམ་ཞིང་། ཉིན་མོ་ཤེས་རབ་ཀྱི་ཕ་རོལ་ཏུ་ཕྱིན་པ་བཀླག་ཅིང་། མཚན་མོ་བསྟན་གཅིག་ལ་གནས་པས་ནུབ་ཡལ་གྱིས་བཟླས་པ་བྱས་ན་ནོར་གྱི་ཕུང་པོ་ཆེན་པོ་རྙེད་དེ།
iiif viewer powered by OpenSeadragon
