| e-texts navigator |
| Wylie |
167a1 འདི་ཐོས་ནས་ཚིམ་ཞིང་དགའ་ལ་མགུ་ཞིང་ཡི་རངས་ཏེ། རབ་ཏུ་དགའ་ནས་དགའ་བ་དང་ཡིད་བདེ་བ་སྐྱེས་ཏེ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས
167a2 བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་བདག་གིས་ནོར་གྱི་རྒྱུན་ཅེས་བགྱི་བ་བླངས་ལགས་གཟུངས་སུ་ཟིན་ལགས་བཟུང་ལགས་བཀླགས་ལགས
167a3 ཀུན་ཆུབ་པར་བགྱིས་ལགས། རྗེས་སུ་ཡི་རངས་པར་བགྱིས་ལགས་སོ།། གཞན་དག་ལའང་རྒྱ་ཆེར་ཡང་དག་པར་རབ་ཏུ་བསྟན་པར་བགྱི་ལགས་སོ།། དེའི་སྐད་ཅིག་ཙམ་ལ་ཁྱིམ་བདག་ཟླ་བ་བཟང་པོའི
167a4 བང་མཛོད་རྣམས་ཡོངས་སུ་གང་བར་གྱུར་ཏོ།། དེ་ནས་ཁྱིམ་བདག་ཟླ་བ་བཟང་པོས། བཅོམ་ལྡན་འདས་ལ་ལན་འབུམ་ཕྲག་དུ་མར་བསྐོར་བ་བྱས་ཏེ། བཅོམ་ལྡན་འདས་ཀྱི་ཞབས་ལ་ཕྱག་འཚལ
167a5 ནས་བཅོམ་ལྡན་འདས་ཀྱི་ཐད་ནས་སོང་ངོ་།། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ་ཀུན་དགའ་བོ་ཁྱོད་སོང་ལ་ཁྱིམ་བདག་ཟླ་བ
167a6 བཟང་པོའི་ཁྱིམ་ནོར་དང་འབྲུས་ཡོངས་སུ་གང་བ་ཕུན་སུམ་ཚོགས་པ་དང་། མཛོད་ཆེན་པོ་དང་བང་མཛོད་ཡོངས་སུ་གང་བ་རྣམས་ལ་ལྟོས་དེ་ནས་ཚེ་དང་ལྡན་པ་ཀུན་དགའ་བོས་བཅོམ
167a7 ལྡན་འདས་ཀྱི་ལྟར་མཉན་ནས་ཀོའུ་ཤམ་བིའི་གྲོང་ཁྱེར་ཆེན་པོ་ག་ལ་བ་དང་། ཁྱིམ་བདག་ཟླ་བ་བཟང་པོའི་ཁྱིམ་ག་ལ་བ་དེར་སོང་སྟེ་ཕྱིན་ནས་ཞུགས་པ་དང་། ནོར་དང་འབྲུས་ཡོངས་སུ་གང་བ
iiif viewer powered by OpenSeadragon
