| e-texts navigator |
| Wylie |
219a1 ཐམས་ཅད་ལས་ཡོངས་སུ་ཐར་པར་འགྱུར་རོ།། ཐ་ན་དུད་འགྲོའི་སྐྱེ་གནས་སུ་སོང་བའི་སྲོག་ཆགས་བྱའི་རྣ་ལམ་དུའང་གཟུངས་འདིའི་སྒྲ་བསྒྲགས་པར་བྱ་སྟེ། དེས་ན
219a2 དེའི་ངན་འགྲོའི་ཐ་མ་ཡིན་པར་རིག་པར་བྱའོ།། གང་ཞིག་ནད་ཆེན་པོས་བཏབ་སྟེ་སྨན་པ་ཐམས་ཅད་ཀྱི་བྱེ་བྲག་ཕྱེ་བ་དེ་ཡང་དེ་ལྟར་ན་དེ་ལས་ཡོངས་སུ་ཐར་པར་འགྱུར་རོ།། དེའི་ངན་འགྲོར་སྐྱེ་བ
219a3 ཐམས་ཅད་ཀྱང་རྒྱུན་ཆད་པར་འགྱུར་རོ།། ཤི་འཕོས་ནས་ཀྱང་འཇིག་རྟེན་གྱི་ཁམས་བདེ་བ་ཅན་དུ་སྐྱེ་བར་འགྱུར་རོ།། དེ་ཉིད་དེའི་མངལ་གྱི་གནས་ཐ་མ་ཡིན་པར་རིག་པར་བྱའོ།། དེ་གང་དང་།
219a4 གང་དུ་སྐྱེ་བ་དེ་དང་དེར་པདྨའི་སྙིང་པོ་ཁོ་ན་ལས་རྫུས་ཏེ་སྐྱེ་བར་འགྱུར་རོ།། ཚེ་རབས་ཐམས་ཅད་དུའང་ཚེ་རབས་དྲན་པར་འགྱུར་རོ།། སེམས་ཅན་སྡིག་པ་བྱེད་པ་གང་དག་ཤི་བའི་དུས་བྱས
219a5 པ་དེ་དག་གི་དོན་དུ་གཟུངས་འདི་ཡུངས་ཀར་དག་ལ་ལན་ཉི་ཤུ་རྩ་གཅིག་ཡོངས་སུ་བརྗོད་དེ། དེ་དག་གི་རུས་གོང་རྣམས་ཀྱི་སྟེང་དུ་གཏོར་ན་དེ་དག་སེམས་ཅན་དམྱལ་བ་འམ། དུད་འགྲོའི
219a6 སྐྱེ་གནས་སམ། གཤིན་རྗེའི་འཇིག་རྟེན་ནམ། ཡི་དགས་སམ། དེ་ལས་གཞན་པ་ངན་འགྲོ་རྣམས་སུ་སྐྱེས་པར་གྱུར་ཀྱང་རུང་སྟེ། དེ་དག་གཟུངས་འདིའི་མཐུས་ངན་འགྲོ་དེ་དག་ལ་ས་ཐར
219a7 པར་འགྱུར་རོ།། དེ་དག་ལས་ཐར་ཀྱང་ལྷར་སྐྱེ་བར་འགྱུར་རོ།། སུ་ཞིག་འདི་ཉིན་གཅིག་བཞིན་དུ་ལན་ཉི་ཤུ་རྩ་རེ་རེ་ཡོངས་སུ་བརྗོད་པ་དེ་འཇིག་རྟེན་མང་པོའི་མཆོད་པའི་འོད་སུ་འགྱུར་རོ།།
iiif viewer powered by OpenSeadragon
