| e-texts navigator |
| Wylie |
218a1 བཞག་པར་མཐོང་ངམ། དེ་དང་ཉེ་བར་གནས་པར་གྱུར་ན་ཀ་ཐ་ན་དེའི་གྲིབ་མས་ཕོག་གམ། དེའི་རྡུལ་རླུང་གིས་བཏབ་པས་ཕོག་ནའང་ལྷའི་དབང་པོ་སེམས་ཅན་དེ་ལ་སྡིག་པ།
218a2 ཐམས་ཅད་དང་ངན་འགྲོར་འགྲོ་བའི་འཇིགས་པ་ཐམས་ཅད་མི་འབྱུང་ངོ་།། སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་དང་། ཡི་དགས་དང་། ལྷ་མ
218a3 ཡིན་གྱི་རིས་ཐམས་ཅད་དུ་མི་སྐྱེ་བར་འགྱུར་རོ།། ལྷའི་དབང་པོ་སེམས་ཅན་དེ་ནི་དེ་བཞིན་གཤེགས་པ་ཐམས་ཅད་ཀྱིས་ལུང་བསྟན་ཅིང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས
218a4 ཕྱིར་མི་ལྡོག་པར་རིག་པར་བྱའོ།། ལྷའི་དབང་པོ་མཆོད་པ་དང་རིམ་གྲོ་བྱེད་ཅིང་མེ་ཏོག་དང་། བདུག་པ་དང་། སྤོས་དང་། མེ་ཏོག་འཕྲེང་བ་དང་། བྱུག་པ་དང་། གདུག་ས་དང་། རྒྱལ
218a5 མཚན་དང་། བ་དན་དང་། རྒྱན་རྣམས་ཀྱིས་ཀྱང་བརྒྱན་པར་བྱེད་པ་དང་། ལམ་གྱི་བཞི་མདོར་མཆོད་རྟེན་བྱས་ཏེ་གཟུངས་འདི་བཞག་པ་ལ་ཐལ་མོ་སྦྱོར་བ་འམ། ཕྱག་འཚལ་བ་འམ།
218a6 བབྱེད་པ་ལྟ་ཅི་སྨོས་ཏེ། ལྷའི་དབང་པོ་སེམས་ཅན་དེ་ནི་སེམས་ཅན་ཆེན་པོ་ཡིན་པར་རིག་པར་བྱའོ།། དེ་བཞིན་གཤེགས་པའི་སྲས་སུ་རིག་པར་བྱའོ།། ཆོས་ཀྱི་གནས་སུ་རིག་པར་བྱའོ།། དེ་བཞིན
218a7 གཤེགས་པའི་མཆོད་རྟེན་དུ་རིག་པར་བྱའོ།། དེ་ནས་ཆོས་ཀྱི་རྒྱལ་པོ་གཤིན་རྗེ་ནུབ་མོ་དེའི་ནམ་ལངས་ནས། བཅོམ་ལྡན་འདས་ག་ལ་བ་དེར་སོང་སྟེ། བཅོམ་ལྡན་འདས་ལ་ལྷའི་མེ་ཏོག་དང་།
iiif viewer powered by OpenSeadragon
