| e-texts navigator |
| Wylie |
213a1 མཆོད་པ་ཆེན་པོས་མཆོད་ལ་བཟླས་པ་འབུམ་བྱས་ལ། ཡང་ན་ལྕགས་ལྔའི་རང་བཞིན་གྱི་རལ་གྲི་ལ་བཟླས་པ་འབུམ་བྱས་ཏེ། ལག་པ་གཡས་པར་བཅངས་ན་ཡིད་ཀྱིས
213a2 འགྲོ་བ་དང་། འདོད་པའི་གཟུགས་འཛིན་པ་དང་། སྟོབས་ཆེ་ཞིང་གནན་གནོན་པ་དང་། སེམས་ཅན་ཐམས་ཅད་ཀྱི་གཅིག་ཏུ་འདྲེན་པ་པོར་གྱུར་ནས་སྨན་པ་ཆེན་པོའི་མཆོག་ཚེ་དཔག་ཏུ་མེད་པར
213a3 འགྱུར་རོ།། དེ་ལྟར་རྡོ་རྗེ་དང་། འཁོར་ལོ་དང་། རྩེ་གསུམ་ལ་སོགས་པའང་བསྒྲུབ་པར་བྱའོ།། དེ་ལྟར་ཕན་ཡོན་དཔག་ཏུ་མེད་པའི་གཟུངས་ཆེན་མོ་དེ་བཞིན་གཤེགས་པ་ཐམས་ཅད་ཀྱི་སྙིང
213a4 པོར་གྱུར་པ་མཆོག་ཏུ་རྙེད་པར་དཀའ་བ་འདི་ཇི་ལྟ་ཇི་ལྟར་སྦྱར་བ་དེ་ལྟ་དེ་ལྟར་ལས་གྲུབ་པར་བྱེད་དོ།། གང་ཡང་དེ་བཞིན་གཤེགས་པ་ཐམས་ཅད་ཀྱི་གཙུག་ཏོར་རྣམ་པར་རྒྱལ་བ་ཞེས་བྱ་བའི
213a5 གཟུངས་འདི་ཉི་མ་རེ་རེ་ལ་དུས་གསུམ་དུ་ལན་ཉི་ཤུ་རྩ་གཅིག་བཟླས་པ་བྱ་ཞིང་མཆོད་རྟེན་ཆེན་པོ་བྱས་ཏེ་ཡང་དག་པར་བཅངས་ལ། གཞན་ལའང་རྒྱ་ཆེར་གསལ་བར་བྱས་ན་དེ་སྐྱིང་བ་འཐོབ
213a6 ཅིང་སྟོབས་དང་ལྡན་པ་དང་། ནད་མེད་པ་དང་། ལོ་བརྒྱ་ཐུབ་པ་དང་། བློ་རྣོ་བ་དང་། སྐྱེ་བ་དྲན་པར་འགྱུར་རོ།། གང་གི་ཚེ་འཆི་བའི་དུས་བྱེད་པ་དེའི་ཚེ་སྦྲུལ་ཤུན་པ་བརྗེས་པ་དང་འདྲ་བར་དང
213a7 གི་ལུས་བོར་ཏེ། བདེ་བ་ཅན་གྱི་འཇིག་རྟེན་གྱི་ཁམས་སུ་སྐྱེ་བར་འགྱུར་རོ།། དམྱལ་བའི་སྒྲ་རྣ་བུག་ཏུ་འང་ཐོས་པར་མི་འགྱུར་ན། འབྲས་བུ་སྨིན་པར་ལྟའང་ག་ལ་འགྱུར། གང་དང་གང་དུ་སྐྱེས་པ་དེ་དང་དེ།
iiif viewer powered by OpenSeadragon
