| e-texts navigator |
| Wylie |
211a1 བྱའོ།། ཚེ་དཔག་ཏུ་མེད་པ་འོད་ཟེར་སྟོང་གི་འཕྲེང་བ་ཅན། པདྨ་དང་ཟླ་བའི་གདན་ལ་བཞུགས་པ། སྟོན་ཀའི་ཟླ་བ་ལྟ་བུའི་འོད་ཅན། རྒྱན་ཐམས་ཅད་ཀྱིས་བརྒྱན་པ།
211a2 ཞལ་གསུམ་པ། སྤྱན་གསུམ་པ། ཕྱག་བརྒྱད་པ། གཡས་པའི་ཞལ་ཞི་བ་གསེར་གྱི་འོད་ཟེར་དང་ལྡན་པའོ།། གཡོན་པ་ནི་མཆེ་བས་མ་མཆུ་མནན་པ་མི་བཟད་པ་ཨུཏྤ་ལ་སྔོན་པོའི་འོད་ཟེར
211a3 གྱི་འོད་དང་ལྡན་པའོ།། དབུས་མ་ནི་སྒེག་པ་དང་བཅས་ཤིང་དཀར་བའོ།། གཡས་པའི་ཕྱག་གིས་སྙིང་ཁར་སྣ་ཚོགས་རྡོ་རྗེའོ།། དེ་བཞིན་དུ་པདྨ་ལ་གནས་པའི་འོད་དཔག་ཏུ་མེད་པ་དང་། མདའ
211a4 དང་། མཆོག་སྦྱིན་པའོ།། གཡོན་སྡིགས་མཛུབ་དང་བཅས་པའི་ཞགས་པ་དང་། དེ་བཞིན་དུ་གཞུ་དང་། མི་འཇིགས་པ་དང་། བུམ་པའོ།། ཡང་མགོ་བོར་མཆོད་རྟེན་ལ་གནས་པའི་ཨོཾ
211a5 དང་མགྲིན་པར་ཨཱཿདང་། སྙིང་ཁར་ཧཱུཾ་ངོ་།། དཔྲལ་བར་ཏྲཾ་ངོ་།། ལྟེ་བའི་ཕྱོགས་སུ་ཏྲིའོ།། རྐང་པ་གཉིས་ལ་ཨཾ་ཨཿ། ཡི་གེ་འདི་རྣམས་བཀོད་ལ་རཀྵ་སྭཱ་ཧཱ་དང་བཅས་པ། འདིའི་ནང་དུ
211a6 རང་གི་མིང་དང་སྤེལ་བའོ།། དེའི་ལོགས་གཉིས་སུ་པདྨ་དང་རྡོ་རྗེ་འཆང་གཉིས་རྔ་ཡབ་དཀར་པོ་ཕྱག་ན་བསྣམས་པ་བྱའོ།། སྟེང་དུ་བདུད་རྩིའི་ཆར་གྱི་རྒྱུན་འབེབས་བཞིན་པའི་གནས་གཙང
211a7 མའི་ལྷའི་བུ་གཉིས་སོ།། ལོགས་བཞིར་ཁྲོ་བོ་མི་གཡོ་བ་དང་། འདོད་པའི་རྒྱལ་པོ་དང་། དབྱུག་པ་སྔོན་པོ་དང་། སྟོབས་པོ་ཆེ་ཞེས་བྱ་བ་སྟེ། རལ་གྲི་དང་། ལྕགས་ཀྱུ་དང་། དབྱུག་པ་དང་།
iiif viewer powered by OpenSeadragon
