| e-texts navigator |
| Wylie |
210b1 སྟེར་བར་བྱེད་པའི་གཟུངས་ཀྱི་ཆེད་དུ་བྱས་ཏེ། སེམས་ཅན་ཐམས་ཅད་ལ་ཐུན་མོང་དུ་དགེ་བའི་རྩ་བ་སྦྱིན་པར་བྱའོ།། སེམས་ཅན་རྣམས་ལ་བཅིང་བ་དང་བརྡུང་བ་ལ་སོགས་པ་སྤང་བར་བྱའོ།།
210b2 ཟླ་བ་གཞན་རེ་རེ་ལ་མཆོད་པ་ཉིས་འགྱུར་དུ་བྱས་ལ་བརྒྱད་བརྒྱའི་བཟླས་པ་བྱ་བ་ནི་རང་ངམ་རང་དང་འདྲ་བས་བྱའོ།། ཆོ་ག་འདི་ཡིས་ནི་དུས་མ་ཡིན་པར་འཆི་བ་བརྒྱད་མེད་པར་འགྱུར་རོ།། བློ་རྣོ་བ་དང་།།
210b3 ནད་མེད་པ་དང་། ཚེ་ལོ་བརྒྱ་ཐུབ་ཅིང་འགྲོ་བ་ཐམས་ཅད་ཀྱི་ཡིད་དུ་འོང་བ་དང་སྐྱེ་བ་དྲན་པར་འགྱུར་རོ།། གང་གི་ཚེ་འཆི་བའི་དུས་བྱས་པ་དེའི་ཚེ་སྦྲུལ་ཤུན་པ་བརྗེས་པ་དང་འདྲ་བར་རང་གི་ལུས་བོར
210b4 ཏེ། མཛེས་པའི་ལུས་བདེ་བ་ཅན་གྱི་འཇིག་རྟེན་གྱི་ཁམས་སུ་སྐྱེ་བར་འགྱུར་རོ།། ཡང་དེ་ནི་དམྱལ་བ་དང་། བྱོལ་སོང་གི་སྐྱེ་གནས་དང་། གཤིན་རྗེའི་འཇིག་རྟེན་གྱི་ངན་འགྲོར་སྐྱེ་བར་མི་འགྱུར།
210b5 རོ།། རྣ་བའི་བུ་གར་དམྱལ་བའི་སྒྲའང་ཐོས་པར་མི་འགྱུར་ན། འབྲས་བུ་སྨིན་པར་ལྟ་ག་ལ་འགྱུར། འདི་རྣམས་ཀྱི་གནས་སུ་འགྲོ་བ་མེད་དོ།། དེ་ནས་བཅོམ་ལྡན་འདས་ཚེ་དཔག་ཏུ་མེད
210b6 པས་གཞན་ཡང་སྒྲུབ་པའི་ཐབས་བཀའ་སྩལ་པ། གང་གིས་སེམས་ཅན་ཚེ་དཔག་ཏུ་མེད་པར་འགྱུར་བ་དང་། ཉམ་ང་བའི་འཁོར་བ་ལས་གྲོལ་བར་བྱེད་པ་ནི་གཞོན་ནུ་མས་བཀལ་བའི་སྐུད།
210b7 པ་ལ་ཚད་དང་ལྡན་པའི་མཛེས་པའི་རས་མཁས་པས་བྱའོ།། དེ་ནས་གཙུག་ཏོར་རྣམ་པར་རྒྱལ་བྱ་བའི་གཟུགས་ཚོན་སྣ་མ་ལུས་པས་གཟུངས་ཀྱི་ཡི་གེ་ལས་སྤྲུལ་པའི་མཆོད་རྟེན་གྱི་ནང་དུ་བྲི་བར
iiif viewer powered by OpenSeadragon
