| e-texts navigator |
| Wylie |
209b1 སྐུ་གཟུགས་ལ་སོགས་པ་སྒྲུབ་པ་ཇི་ལྟར་བགྱི། འདིར་སྦྱིན་སྲེག་ཀྱང་ཇི་ལྟར་བགྱི། བཅོམ་ལྡན་འདས་ཀྱིས་བཀའ་སྩལ་པ། དྲི་བ་ལེགས་པར་སྨྲས་པ་ནི།། དཔའ་བོ་ཆེན་པོ་ལེགས་སོ་ལེགས།
209b2 སེམས་ཅན་ཀུན་ལ་ཕན་བརྩེའི་ཕྱིར།། འདིར་ནི་རྩེ་གཅིག་ཡིད་ཀྱིས་ཉོན།། དེ་ནས་བཅོམ་ལྡན་འདས་ཀུན་ཏུ་འོད་དཔག་ཏུ་མེད་པའི་དཔལ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས།
209b3 བཞིན་གཤེགས་པ་ཐམས་ཅད་ཀྱི་ཚེ་དཔག་ཏུ་མེད་པ་ཞེས་བྱ་བའི་གཟུངས་འདི་གཟུངས་པ་ནི་འདི་ལྟ་སྟེ། ཨོཾ་ཨ་མི་ཏེ། ཨ་མི་ཏོད་བྷ་བེ། ཨ་ཏི་ཏ་བི་ཀྲཱནྟེ། ཨ་མི་ཏ་གཱ་ཏྲེ། ཨ་མི་ཏ་གཱ་མཾ་ནི།
209b4 ཨ་མྲྀ་ཏ་ཨཱ་ཡུརྡ་ཏེ། ག་ག་ན་ཀཱི་རྟི། ཀ་རེ་སརྦྦ་ཀླེ་ཤ་ཀྵ་ཡཾ་ཀ་རཱི་ཡེ་སྭཱ་ཧཱ། ཞེས་བྱ་བའི་གཟུངས་འདིས་མཆོད་རྟེན་བྱེད་པའི་འཇིམ་པ་བླང་བ་དང་། བྱུག་པ་ལ་སོགས་པ་དང་། གདུགས་གདགས
209b5 པའི་བར་ཇི་སྲིད་རྫོགས་པར་བྱའོ།། འདིའི་ཆོ་ག་ནི། མཆོད་རྟེན་ཆོ་ག་མཆོག་གྱུར་པ། དེ་ནས་ཡང་དག་བཤད་པར་བྱ། གསེར་དང་། ཨིནྡྲ་ནཱི་ལ་དང་། དངུལ་དང་། པདྨ་རཱ་གཱ་ལ་སོགས
209b6 པའི་རང་བཞིན་མང་པོའི་རིན་པོ་ཆེས་སྦས་པ་སོར་བཅུ་གཉིས་ཀྱི་ཚད་པདྨའི་སྟེང་ན་བཞུགས་པ། དེའི་ལོགས་བཞིན་འཇིག་རྟེན་སྐྱོང་བ་བཞི་ལག་ན་རྒྱལ་མཚན་བསྣམས་པའོ།། མེ་ཏོག་དང་།
209b7 བདུག་པ་དང་། དྲི་ལག་ན་བཟུང་བའི་གནས་གཙང་མའི་ལྷའི་བུ་རྣམས་དང་། ལྷ་རྣམས་ཀྱི་དབང་པོ་བརྒྱ་བྱིན་ལག་ན་གདུགས་ཐོགས་པ་དང་། གཡས་དང་གཡོན་གྱི་ལོགས་གཉིས་ན་སྤྱན་རས་གཟིགས
iiif viewer powered by OpenSeadragon
