| e-texts navigator |
| Wylie |
209a1 གཡས་པའི་ལག་པས་འཕྲེང་བ་འཛིན་པས། ཉི་མ་རེ་རེ་ཞིང་ཉི་ཤུ་རྩ་གཅིག་རྩ་གཅིག་དུས་གསུམ་དུ་བཟླས་པ་བྱས་ལ། དེའི་ཆུ་ཁྱོར་བ་གསུམ་འཐུངས་ན་ནང་།
209a2 མེད་པ་དང་། ཚེ་རིང་བ་དང་། དགྲ་ཡོངས་སུ་ཉམས་པ་དང་། འཛིན་བྷྱོ་རྣོ་བ་དང་། ངག་བརྩན་པར་འགྱུར་རོ།། སྐྱེ་བ་ནས་སྐྱེ་བར་སྐྱེ་བ་དྲན་པར་འགྱུར་རོ།། དེའི་ཆུས་ཁང་པ་འམ།
209a3 ཕྱུགས་ཀྱི་ར་བ་འམ། རྟའི་ར་བ་འམ། རྒྱལ་པོའི་ཁབ་ཏུ་གཏོར་ན་རྐུན་མོ་དང་། སྦྲུལ་དང་། གནོད་སྦྱིན་དང་། སྲིན་པོ་ལ་སོགས་པའི་འཇིགས་པ་མི་འབྱུང་ཞིང་ནད་ཀྱིས་ཡོངས་སུ
209a4 གདུངས་པར་མི་འགྱུར་རོ།། མགོ་ལ་གཏོར་ན་དེ་ནད་དེ་ལས་གྲོལ་བར་འགྱུར་རོ།། དེ་ལྟར་ཚེ་དཔག་ཏུ་མེད་པའི་ཕན་ཡོན་ཆེན་པོའི་གཟུངས་འདི་གང་དང་གང་དུ་རབ་ཏུ་སྦྱར་ན་དེ་དང་དེ་རུ་ཞི་བ
209a5 ཆེན་པོར་འགྱུར་རོ།། སོ་ཤིང་ལ་ལན་ཉི་ཤུ་རྩ་གཅིག་ཡོངས་སུ་བཟླས་ཏེ་འཆོས་ན་ནད་མེད་པ་དང་། བློ་རྣོ་བ་དང་། ཚེ་རིང་བར་འགྱུར་རོ།། ཆུ་ཁྱོར་བ་གསུམ་ལ་དུས་གསུམ་དུ་ལན་ཉི་ཤུ་རྩ
209a6 གཅིག་རྩ་གཅིག་ཡོངས་སུ་བཟླས་ཏེ་འཐུངས་ན་ནད་ཐམས་ཅད་ལས་ཡོངས་སུ་གྲོལ་ཞིང་ཡུན་རིང་དུ་འཚོ་བར་འགྱུར་རོ།། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས
209a7 གཟིགས་དབང་ཕྱུག་གིས། བཅོམ་ལྡན་འདས་ཚེ་དཔག་ཏུ་མེད་པ་ལ་བསྐོར་བ་བྱས་ནས་འདི་སྐད་ཅེས་གསོལ་ཏོ།། བཅོམ་ལྡན་འདས་རིགས་ཀྱི་བུ་འམ། རིགས་ཀྱི་བུ་མོས་མཆོད་རྟེན་གྱི་ལས་ཇི་ལྟར་བགྱི།
iiif viewer powered by OpenSeadragon
