| e-texts navigator |
| Wylie |
467a1 པ། སངས་རྒྱས་བཅོམ་ལྡན་འདས་ཤཱཀྱ་ཐུབ་པས་འདི་གསུངས་མ་ཐག་ཏུ་ས་ཆེན་པོ་རི་དང་རྒྱ་མཚོ་དང་བཅས་པ། སེམས་ཅན་དང་སྣོད་ཉེ་བའི་མཐར་ཐུག་པ་རྣམ་པ་དྲུག་ཏུ་རབ་ཏུ་གཡོས
467a2 པར་གྱུར་ཏེ། འགྲོ་བ་ཐམས་ཅད་ཡི་དགས་ཀྱི་འགྲོ་བ་དང་། དུད་འགྲོ་དང་། གཤིན་རྗེའི་འཇིག་རྟེན་དང་། དམྱལ་བའི་སེམས་ཅན་ཐམས་ཅད་ཀྱི་སྡུག་བསྔལ་རབ་ཏུ་སྦྱངས་ཤིང་བདེ་བ་རྣམས་ཀྱང་རབ་ཏུ
467a3 ཐོབ་པར་འགྱུར་ལ། འཇམ་དཔལ་རིག་པའི་རྒྱལ་པོ་འདིའང་ཡིད་ལ་བྱེད་ཅིང་། དེའི་ཚེ་དམ་པའི་ཆོས་སྤོང་བའི་སེམས་ཀྱང་མེད་པར་གྱུར་ན་བདུད་སྡིག་ཏོ་ཅན་གྱིས་ཀྱང་གླགས་རྙེད་པར་མི་འགྱུར་ལ
467a4 བགེགས་དང་ལོག་འདྲེན་ཐམས་ཅད་ཀྱང་འབྱེད་པར་འགྱུར་རོ།། འདི་ལྟར་ཡང་སེམས་བསྐྱེད་པར་བྱ་སྟེ། སངས་རྒྱས་བཅོམ་ལྡན་འདས་ཀྱི་སངས་རྒྱས་དང་ཆོས་ནི་བསམ་གྱིས་མི་ཁྱབ་སྟེ། བསམ
467a5 པ་འམ། གཞལ་བའམ། སྤོང་བ་ནི་བདག་ཅག་གིས་ཅི་ཞིག་ནུས་ཏེ། སངས་རྒྱས་བཅོམ་ལྡན་འདས་ཉིད་ཀྱིས་མཁྱེན་པར་འགྱུར་རོ།། འཕགས་པ་འཇམ་དཔལ་གྱི་རྩ་བའི་ཆོ་ག་བྱང་ཆུབ་སེམས
467a6 དཔའི་སྡེ་སྣོད་ཕལ་པོ་ཆེ་ཐེག་པ་ཆེན་པོ་ཤིན་ཏུ་རྒྱས་པའི་མདོ་ལས། ཕན་ཡོན་དང་ཉེས་དམིགས་ཀྱི་ནུས་པ་རབ་འབྱམས་བསྟན་པའི་ལེའུ་སུམ་ཅུ་དྲུག་པ་རྫོགས་སོ།། བཅོམ།
467a7 ལྡན་འདས་ཀྱིས་དེ་སྐད་ཅེས་བཀའ་སྩལ་ནས། དགེ་སློང་དེ་དག་དང་། བྱང་ཆུབ་སེམས་དཔའ་དེ་དག་དང་། ཐམས་ཅད་དང་ལྡན་པའི་འཁོར་དེ་དག་དང་། གནས་གཙང་མའི་སྟེང་ན་གནས་པའི་ལྷའི
iiif viewer powered by OpenSeadragon
