| e-texts navigator |
| Wylie |
466a1 ཐམས་ཅད་དང་ལྡན་པའི་གནས་གཙང་མའི་གཞལ་མེད་ཁང་ན་གནས་པའི་ལྷའི་བུ་རྣམས་དང་ཀ་འབྱུང་པོའི་ཚོགས་དུ་མཆོས་མཉན་པའི་ཕྱིར་འདུས་པར་ཤེས་ནས། བཅོམ་ལྡན།
466a2 འདས་ཤཱཀྱ་ཐུབ་པ་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་ཇི་ཙམ་དུ་ཆོས་ཀྱི་རྣམ་གྲངས་འདིས་ནི་ངོ་མཚར་ཏེ་མཆོག་ཏུ་ལེགས་པར་གསུངས་པ་ལགས་ན། དེ་ལ་བཅོམ་ལྡན་འདས་མ་འོངས་པའི
466a3 དུས་ན་སེམས་ཅན་མི་རིགས་པའི་ཆགས་པས་ཟིལ་གྱིས་ནོན་པ། སླུ་བར་བྱེད་པ། ང་རྒྱལ་ཅན། མ་དད་པ། གྱ་གྱུ་ཅན། དམུ་རྒོད། ཚུལ་ཁྲིམས་འཆལ་པ་དག་འབྱུང་བར་འགྱུར་ཏེ། དེ་དག་སྔགས
466a4 རྣམས་ཀྱི་རྟོག་པའི་བདག་ཉིད་ཆེན་པོ་རྒྱས་པ་གྲུབ་པ་དང་། དུས་དང་། ཡུལ་དང་། ངེས་པར་སྡོམ་པ་དང་། སྔགས་དང་། སྤྱོད་པ་དང་། སྦྱིན་སྲེག་དང་། བཟླས་པ་ངེས་པར་སྡོམ་པ་དང་། ཆོ་ག་རབ
466a5 འབྱམས་དག་ལ་མ་དད་པར་འགྱུར། ཡིད་མི་བདེ་བར་འགྱུར་ཏེ། སངས་རྒྱས་ཀྱི་བཀའ་མ་ཡིན་ནོ་ཞེས་བྱས་ནས་སྤོང་བར་འགྱུར་ཏེ། དེ་དག་ཉོན་མོངས་པའི་སེམས་སུ་གྱུར་ནས་དུས་བྱེད་པར་འགྱུར
466a6 ཞིང་། སྡུག་བསྔལ་དྲག་ཅིང་ཚ་བའི་ཚེར་བ་མྱོང་ཞིང་དེ་དག་དམྱལ་བ་ཆེན་པོར་སྐྱེ་བར་འགྱུར། བཅོམ་ལྡན་འདས་སྡུག་བསྔལ་བའི་སེམས་ཅན་དེ་དག་ལ་ཇི་ལྟར་བསྒྲུབ་པར་བྱ། སངས་རྒྱས་བཅོམ་ལྡན
466a7 འདས་ནི་ཐུགས་རྗེ་ཆེན་པོ་དང་ལྡན་པ་ལ་སོགས།། དེ་ནས་བཅོམ་ལྡན་འདས་ཀྱིས། འཇབ་དཔལ་གཞོན་ནུར་གྱུར་པ་ལ་སྤྱི་བོར་བྱུགས་ནས་བཀའ་སྩལ་པ། འཇབ་དཔལ་ཁྱོད་སེམས་ཅན་ཐམས་ཅད།
iiif viewer powered by OpenSeadragon
