| e-texts navigator |
| Wylie |
463b1 འཇིག་རྟེན་གྱི་ཁམས་ཀྱི་ཕྱོགས་ཀྱི་མཐར་ཐུག་པ་ཐམས་ཅད་དང་བཅས་པའང་རབ་ཏུ་འགུལ་བར་གྱུར་ཏོ།། སངས་རྒྱས་བཅོམ་ལྡན་འདས་ཐམས་ཅད་ཀྱིས་ཀྱང་སྔགས་ཀྱི་ཚིག་འདི་དག་བྱིར་གྱིས།
463b2 བརླབས་སོ།། དེ་ནས་ལྷའི་དབང་པོ་བརྒྱ་བྱིན་འཇིགས་པ་དང་བྲལ་ནས་པ་སྤུ་ལངས་ཏེ་ངོ་མཚར་རྨད་དུ་བྱུང་བ་ཐོབ་ནས། མིག་གཉིས་ཕྱེ་སྟེ་སྟན་ལས་ལངས་ནས། བཅོམ་ལྡན་འདས་ཀྱི་ཞབས
463b3 གཉིས་ལ་བཏུད་ནས་ལན་གསུམ་བསྐོར་བ་བྱས་ཤིང་། འཇམ་དཔལ་གཞོན་ནུར་གྱུར་པ་ལ་མངོན་དུ་བལྟས་ནས་སྔགས་ཀྱི་ཚིག་དེ་དག་བཟུང་སྟེ་ཡིད་ལ་བྱས་ནས་ཕྱིར་ཡང་ཤིང་རྟ་ལ་ནོན་ནས་ལྷམ
463b4 ཡིན་གང་ཡིན་པ་དེ་ལོགས་སུ་ཕྱིན་པར་གྱུར་ཏོ།། དེ་ནས་ལྷ་མ་སྲིན་ཐམས་ཅད་རྒྱ་མཚོ་ཆེན་པོའི་མཐའི་འགྲམ་དུ་གང་རང་གི་གྲོང་ཁྱེར་གང་ཡིན་པ་དེར་མངོན་དུ་ཕྱོགས་ཤིང་སོང་བར་གྱུར་ཏེ། སེམས་བུམ་ཞིང
463b5 ཉམས་ལ་དཔུང་གི་འཇིགས་པས་སེམས་དཀྲུགས་ཤིང་གདོང་གི་མདོག་ཉམས་ཤིང་ང་རྒྱལ་དང་དྲེགས་པ་ལ་སོགས་པ་དང་བྲལ་བར་གྱུར་ལ། མཚོན་ཚྭ་དང་བྲལ་ནིང་རི་འབིགས་བྱེད་འབར་བ་བཞིན
463b6 དུ་ལྷའི་དབང་ཕྱུག་དེ་མཐོང་ནས་བྱེད་པར་གྱུར་ཏོ།། དེ་ནས་ལྷའི་དབང་པོ་བརྒྱ་བྱིན་གྱིས།། སུམ་ཅུ་རྩ་གསུམ་གྱི་ལྷ་རྣམས་ལ་སྨྲས་པ། གྲོགས་པོ་དག་མ་འཇིགས་ཤིག་མ་འཇིགས་ཤིག། སངས་རྒྱས
463b7 ཀྱི་མཐུས་ལྷ་མ་ཡིན་ལས་བདག་ཅག་ངེས་པར་རྒྱལ་བས་རང་གི་གནས་སུ་འགྲོ་བར་བྱའོ།། རང་རང་གི་གནས་ཇི་ལྟ་བ་བཞིན་དུ་སོང་ནས་ཁྱེད་ཅག་རྩེ་བ་དང་དགའ་བ་ཡོངས་སུ་སྤྱོད་པར་གྱིས་ཤིག
iiif viewer powered by OpenSeadragon
