| e-texts navigator |
| Wylie |
254a1 པོ་དང་ནི་རྩ་བཞིར་འཇུག། ཟོ་རངས་མི་དགའ་མངོན་ཤེས་སྦ།། གཉིད་ཆུང་བ་སྤུའི་གཤིས་ཀྱང་དཀར།། གུ་གུལ་ནག་པོ་བསྟེན་པར་བྱ།། བྱང་ཆུབ་སེམས་དཔའ་ཕྱག།
254a2 ན་རྡོ་རྗེས་གསོལ་པ། ནད་དེ་འཚོ་བ་དང་མི་འཚོ་བའི་རྣམ་པ་ཇི་ལྟར་ལགས། རྡོ་རྗེ་འཛིན་པས་གསུངས་པ། བསྙེན་པ་མཚན་མ་ཐོབ་པ་ཡིས།། བདུད་རྩི་ལྔ་དང་གླ་རྩི་དང་།། འབྲས་བུ
254a3 གསུམ་དང་རྨ་བྱའི་ཤ། རིལ་བུ་བྱས་ལ་སྒལ་ཚིགས་གཞག། དེ་ཡི་བར་དུ་རྨ་བྱའི་སྒོ།། མདངས་དང་ལྡན་ན་འཚོ་བར་ངེས།། ནག་པོར་གྱུར་ན་མི་འཚོའོ།། བྱང་ཆུབ་སེམས་དཔའ་ཕྱག་ན་རྡོ་རྗེ
254a4 གསོལ་པ། བཅོམ་ལྡན་འདས་དེ་ལ་ཚར་གཅད་པའི་ཐབས་དུ་མཆིས། བཅོམ་ལྡན་འདས་ཀྱིས་བཀའ་སྩལ་པ།། སྔགས་དང་འཁྲུལ་འཁོར་སྨན་དང་སྲེག། ཐབས་ནི་རྣམ་པ་བཞི་ཡིན་ཏེ།
254a5 བྱང་ཆུབ་རྡོ་རྗེ་ཅན་གྱིས་གསུངས།། དབང་བསྐུར་དམ་ཚིག་ལྡན་པ་དང་།། བསྙེན་པ་བརྟན་པར་གྱུར་པ་ཡིས།། དང་པོར་སྔགས་ཀྱིས་བཟློག་པར་བྱ།། སྙིང་ཁའི་སྔགས་ཀྱི་རྒྱལ་པོ་ཡིས།། རླུང་དང་།།
254a6 འགྲོགས་ཏེ་འབྱུང་བར་འགྱུར།། ནད་ཀྱི་སྙིང་པོ་ཧཱུཾ་བསམས་ཏེ།། རྒྱུ་རྐྱེན་ཚོགས་པས་བསྲེག་པར་བྱ།། དེ་ནས་ཕྱིར་བཟློག་མནན་པར་བྱ།། སྦྱིན་སྲེག་རྣམ་པ་གསུམ་དུ་བཤད།། དང་པོ་ཞི་པའི
254a7 སྦྱིན་སྲེག་སྟེ།། ཟླུམ་པོ་ཁྲུ་གང་ཁ་དོག་དཀར།། ཁ་ཁྱེར་སོར་བཞིར་རྡོ་རྗེས་མཚན།། གྲུ་གསུམ་སོར་བཅུ་ཁ་དོག་གནག། ཁ་ཁྱེར་སོར་གསུམ་རྡོ་རྗེས་མཚན།། ཟླ་དབྱིབས
iiif viewer powered by OpenSeadragon
