| e-texts navigator |
| Wylie |
250a1 གདོང་གཡོགས་དང་ནི་སྔོན་པོ་ཡིས།། སློབ་མ་དག་ནི་གཞུག་པར་བྱ།། སྡོམ་ལྡན་དབང་བསྐུར་ལྔས་བསྐུར་རོ།། བུམ་པ་དང་པོ་རྡོ་རྗེ་དང་།། དྲིལ་བུང་བུ་རྒྱན་མིང་ག།
250a2 དབང་།། ལས་ཀྱི་ཆོ་ག་ཇི་བཞིན་ནོ།། ཚེས་བཅུ་བཞི་དང་བཅུ་གསུམ་ལ།། སློབ་མ་ལས་ལ་གཟུད་པར་བྱ།། བྱིན་རླབས་རིམ་པས་འཕོ་བ་དང་།། འཕྲལ་དུ་ཡིད་ཆེས་བསྐྱེད་པར་བྱ།། རིན་ཆེན
250a3 སྙིང་པོ་དྲི་མེད་རྒྱུད།། རྒྱུད་རྣམས་ཀུན་གྱི་རྩ་བ་ནི།། འདིར་དབང་བསྐུར་བ་དམ་པ་ཡིན།། སྨིན་པའི་ལས་ལ་བརྟེན་པ་ཡི།། དབང་བསྐུར་མཆོག་གི་རྒྱུད་གསུངས་པས།། རབ་གནས་དགེ་བ་སྡོམ་པ་ལྡན།། དམ
250a4 པ་ཡོན་གྱིས་མཉེས་པར་བྱ།། གྲོལ་བ་མཐར་ཕྱིན་རབ་ཏུ་གནས།། སློབ་མ་སྨིན་པའི་ཆོ་གའོ།། རྡོ་རྗེ་ས་འོག་གི་རྒྱུད་ལས། སློབ་མ་ལ་དབང་བསྐུར་བའི་ལེའུ་སྟེ་བཅུ་གཉིས་པའོ།། །
250a5 དེ་ནས་བྱང་ཆུབ་སེམས་དཔའ་ཕྱག་ན་རྡོ་རྗེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་སེམས་ཅན་རྣམས་ཀྱི་དོན་དུ་བདག་གི་ཐུགས་ཀྱི་གསང
250a6 བབཤད་དུ་གསོལ་ཞེས་གསོལ་བ་བཏབ་བོ།། བཅོམ་ལྡན་འདས་ཀྱིས་བཀའ་སྩལ་པ།། ལག་ན་རྡོ་རྗེ་མི་བཟང་ཁྱོད།། གཞན་དོན་བག་བརྩོན་ལེགས་སོ་ལེགས།། གང་ཞིག་དུས་ཀྱི་སྙིགས
250a7 མ་ལ།། གདུལ་དཀའི་སེམས་ཅན་འདུལ་འདོད་པས།། དང་པོ་བྱང་ཆུབ་སེམས་བསྐྱེད་ལ།། ཚོགས་གཉིས་ཀུན་རྫོགས་མཐར་ཕྱིན་པས།། རིན་ཆེན་སྣོད་དུ་པདྨའི་གཏེར།། དབུས་སུ་གསང་བ
iiif viewer powered by OpenSeadragon
