| e-texts navigator |
| Wylie |
180a1 གནས་རྡོ་རྗེ་སྙིང་པོའི་རྒྱན། དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་། ཐུགས་རྡོ་རྗེ། དེ་བཞིན་གཤེགས་པ་ནི་མི་འཁྲུངས་མི་འགོག་འགོག་པར་མི་འགྱུར།
180a2 བའི་ཡན་ལག་གི་སྤྱོད་ཡུལ་ཡང་དག་པའི་མཐའ་གསལ་བ། ཐམས་ཅད་མཁྱེན་པའི་ཡེ་ཤེས་ཀྱི་ཡུལ། ཆོས་ཀྱི་དབྱིངས་ཀྱི་སྙིང་པོའི་ཁང་བཟངས། དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི
180a3 སྐུ། དེ་བཞིར་གཤེགས་པ་ཐམས་ཅད་ཀྱི་བྱང་ཆུབ་ཀྱི་སྙིང་པོ་ས་ཆེན་པོའི་དམ་པ་ལ་བཞུགས་སོ།། དེ་ལ་སངས་རྒྱས་ཀྱི་ཞིང་ཐམས་ཅད་ཀྱི་རྡུལ་ཕྲ་རབ་ཀྱི་རྡུལ་དང་མཉམ་པའི་བྱང་ཆུབ་སེམས
180a4 དཔའ་སེམས་དཔའ་ཆེན་པོ་རྣམས་དང་། དེ་བཞིན་གཤེགས་པ་རྣམས་ཀྱིས་ཡོངས་སུ་བསྐོར་ཞིང་མདུན་དུ་བདར་ཏེ་ཆོས་སྟོན་པར་མཛད་པ་ནི་ཐོག་མར་དགེ་བ་བར་དུ་དགེ་བ་ཐ་མར་དགེ
180a5 བ། དོན་བཟང་པོ། ཚིག་འབྲུ་བཟང་པོ། མ་འདྲེས་པ། ཡོངས་སུ་རྫོགས་པ། ཡོངས་སུ་དག་པ། ཡོངས་སུ་དཀར་བ། ཆོས་ཐམས་ཅད་ཀྱི་ཚུལ་ཡོངས་སུ་དག་པའི་སྒོ་སྟོན་པར་མཛད་དོ།།
180a6 དེ་ནས་ཡང་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་། ཐུགས་རྡོ་རྗེ་གཉིས་སུ་མེད་པ་མཉམ་པ་ཉིད་ཀྱི་ཡེ་ཤེས་སེམས་དཔའ། དེ་བཞིན་གཤེགས་པ
180a7 ཐམས་ཅད་ཀྱི་ཡེ་ཤེས་ཀྱི་ཉི་མ། རྣམ་པར་རྒྱལ་བའི་དམ་ཚིག་འབྱུང་གནས་རྡོ་རྗེ་སྙིང་པོ། ཆོས་ཐམས་ཅད་ངོ་བོ་ཉིད་ཀྱིས་རྣམ་པར་དག་པའི་ཡེ་ཤེས་མཉམ་པ་ཉིད་བརྙེས་པ་རྒྱ་མརོ་ལྟར
iiif viewer powered by OpenSeadragon
