| e-texts navigator |
| Wylie |
175a1 སྟོན་པ་དང་། ཉན་པ་དང་། སེམས་དཔའ་དང་། སྒོམ་པ་དང་། མཆོད་པ་བྱེད་པ་ནི། དེ་བཞིན་གཤེགས་པ་ཐམས་ཅད་ལ་མཆོད་པའི་ཆོ་ག་རྒྱས་པའོ།། དེ་ནས་བྱང་ཆུབ
175a2 སེམས་དཔའ་སེམས་དཔའ་ཆེན་པོ་ནམ་མཁའི་མཛོད་དོན་དེ་ཉིད་རྒྱ་ཆེར་སྟོན་ཏེ། བཞིན་རབ་ཏུ་འཛུམ་ཞིང་ལས་ཐམས་ཅད་དོན་ཡོད་པའི་དམ་ཚིག་ཅེས་བྱ་བའི་སྙིང་པོ་འདི་སྨྲས་སོ།། ཨོཾ།
175a3 དེ་ནས་བཅོམ་ལྡན་འདས་དེ་བཞིན་གཤེགས་པ་སེམས་ཅན་ཐམས་ཅད་འདུལ་ནུས་པས་ཡང་ཡེ་ཤེས་ཀྱི་ཁུ་ཚུར་ཡོངས་སུ་འཛིན་པ་སེམས་ཅན་ཐམས་ཅད་འདུལ་བ་ཤེས་པའི་སྙིང་པོ་ཞེས་བྱ་བ།
175a4 ཤེས་རབ་ཀྱི་ཕ་རོལ་ཏུ་ཕྱིན་པའི་ཚུལ་འདི་བཤད་དོ།། སེམས་ཅན་ཐམས་ཅད་མཉམ་པ་ཉིད་པས། ཁྲོ་བོ་མཉམ་པ་ཉིད་དོ།། སེམས་ཅན་ཐམས་ཅད་འདུལ་བ་ཉིད་ལས། ཁྲོ་བོ་འདུལ་བ་ཉིད་དོ།།
175a5 སེམས་ཅན་ཐམས་ཅད་ཆོས་ཉིད་པས། ཁྲོ་བོ་ཆོས་ཉིད་དོ།། སེམས་ཅན་ཐམས་ཅད་རྡོ་རྗེ་ཉིད་པས། ཁྲོ་བོ་རྡོ་རྗེ་ཉིད་དོ།། དེ་ཅིའི་ཕྱིར་ཞེ་ན། འདི་ལྟར་སེམས་ཅན་ཐམས་ཅད་འདུལ་བ་ནི་བྱང་ཆུབ་བོ།། དེ་ནས
175a6 བྱང་ཆུབ་སེམས་དཔའི་བདུད་ཀྱི་སྟོབས་ཐམས་ཅད་རབ་ཏུ་འཇོམས་པ་དོན་དེ་ཉིད་རྒྱ་ཆེར་སྟོན་ཏེ། བཞིན་རབ་ཏུ་འཛུམ་ཞིང་རྡོ་རྗེ་མཆེ་བའི་ཕྱག་རྒྱ་དང་། རྡོ་རྗེ་གནོད་སྦྱིན་གྱི་གཟུགས་ཀྱིས་ཁྲོ་བོའི་གད་མོ་ཞེས
175a7 བྱ་བའི་སྙིང་པོ་འདི་སྨྲས་སོ།། ཧ། དེ་ནས་བཅོམ་ལྡན་འདས་དེ་བཞིན་གཤེགས་པ་ཆོས་ཐམས་ཅད་ཀྱི་མཉམ་པ་ཉིད་ལ་གནས་པས་ཡང་ཆོས་ཐམས་ཅད་ཀྱི་མཆོག་ཅེས་བྱ་བ་ཤེས་རབ་ཀྱི་ཕ་རོལ་ཏུ
iiif viewer powered by OpenSeadragon
