| e-texts navigator |
| Wylie |
159a1 པ་ནི་རྡོ་རྗེ་ལྟ་བས་སོ།། རབ་ཏུ་དགའ་བའི་སྒྲུབ་པ་ནི་མ་མཆུ་ནང་དུ་གཡོ་བར་བྱེད་པས་མྱ་ངན་དང་བཏུང་བའོ།། ཆགས་པ་བརྟན་ཞིང་ལྟུང་བ་ནི་དབུགས་རིང་པོར་གཏོང་བས
159a2 སོ།། དེ་ནས་ལས་འདོད་པ་ཐམས་ཅད་ཀྱིས་དབང་ཕྱུག་ཐོབ་པ་ནི་དཔུང་པ་གཉིས་བསྟོད་པས་སོ།། ཐམས་ཅད་ཀྱིས་མཆོད་པར་འགྱུར་བ་ནི་སྙིང་ཁར་བཞུགས་པས་སོ།། ཡོད་པ་ཐམས་ཅད་རྙེད
159a3 པ་ནི་མིག་དགུག་པས་སོ།། འདོད་པའི་ཆགས་པ་བསྐྱེད་པ་ནི་དབུས་དང་བཅས་པའི་སྨན་པའི་གདོང་གིས་བལྟ་བས་སོ།། ཐམས་ཅད་འབེབས་པའི་ཆོ་ག་ནི་རང་སྙིང་ཕྲ་བར་བསྐྱོད་པའི་ལས
159a4 རྣམས་ཀྱིས་སོ།། འདོད་པའི་ཆགས་པ་བསད་པ་ནི་དབུགས་བཏང་བས་རང་ཉིད་སྡང་བར་བྱེད་པས་སོ།། འདོད་པ་ཐམས་ཅད་ཀྱི་རྗེས་སུ་སྤྱོད་པ་ལ་སོགས་པའི་ལས་ཐམས་ཅད་ཀྱི་བྱེད
159a5 པ་ནི་བཀའ་བསྒོ་བས་སོ།། དེ་རྣམས་རྡོ་རྗེ་སེམས་དཔའ་ལ་སོགས་པའི་བརྟན་པ་དང་གཡོ་བའི་དངོས་པོ་ཐམས་ཅད་ལའང་ཉེ་བར་སྦྱོར་བ་ན་དོན་ཡོད་གྲུབ་པས་སྐད་ཅིག་ཉིད་ཀྱིས་བརྟན་ཞིང་།།
159a6 མི་འགྱུར་བའི་དངོས་གྲུབ་ཀྱིས་རྒྱས་བཏབ་ན་འགྲུབ་པར་འགྱུར་རོ།། ཞེས་བྱ་བ་བཅོམ་ལྡན་འདས་རྡོ་རྗེ་སེམས་དཔས་གསུངས་སོ།། དེ་ནས་ལས་ཀྱི་ཕྱག་རྒྱ་བཅུ་ནི
159a7 བསྙེམས་པའི་ཕྱག་རྒྱས་ཐམས་ཅད་སྒྲུབ་པའོ།། རྡོ་རྗེ་མཚོན་ཆམས་ཐམས་ཅད་ལས་རྣམ་པར་རྒྱལ་བ་དང་རྗེས་སུ་ཆགས་པའོ།། རྡོ་རྗེ་ཀི་ལི་ཀི་ལས་རབ་ཏུ་དགའ་བའི་རེག་བྱ་དང
iiif viewer powered by OpenSeadragon
