| e-texts navigator |
| Wylie |
200b1 རྒྱུ་བཅིངས་ལ། གཡས་པས་བསྲེགས་ན་དེ་དག་འགྲུབ་པར་འགྱུར་རོ།། བཅོམ་ལྡན་འདས་ཀྱི་རྒྱབ་ཏུ་ཐབ་ཟུང་གསུམ་དུལ་པོའི་ཚེང་མ་ནོན་པའི་ཡམ་ཤིང་དང་། འདབ་མ་དང་། མེ་ཏོག་དང་། ཡལ་ག་དང་། 6།
200b2 མོ་དང་། སྡོང་བུ་དང་། འབྲས་བུའང་དེ་དང་འདྲ་བར་རང་གི་ཁྲག་གིས་བསྐུས་ནས་སྟན་མཁྲང་པོ་ལ་འདུག་སྟེ། བླ་གོས་གཡོན་དུ་གཟར་ལ་ཁྲོས་པའི་ཚིག་གིས་བཟླས་ཤིང་གཡོན་པས་བསྲེགས་ན་དགུག་པ་དང་།
200b3 གཞུག་པ་དང་། བཅིང་བ་དང་། རྒྱས་གདབ་པ་དང་། གཞོམ་པ་དང་། བཙིང་བ་དང་། བསྐལ་བ་དང་། མྱོས་པར་བྱ་བ་དང་། གཏན་འཕོ་བ་ལ་སོགས་པ་ལས་དྲག་པོ་རྣམས་རབ་ཏུ་འགྲུབ་པར་འགྱུར་རོ།།
200b4 དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་དགུག་པ་དང་། གཞུག་པ་དང་། དམ་ཚིག་གིས་བཅིང་བ་དང་། དབང་དུ་བྱ་བ་ལ་སོགས་པ་གྲུབ་པ་ཐམས་ཅད་ཀྱི་ལས་ནི་བཅོམ་ལྡན་འདས་ཀྱི་གས
200b5 སུ་རྩཝ་འཇམ་པོ་བཏིང་བ་ལ་འདུག་ནས། སྟོད་གཡོགས་སྦྱར་མ་ལྟར་བགོས་ཏེ། ཏིང་ངེ་འཛིན་གྱིས་བཟླས་ཤིང་འཁོར་ལོ་ལྟ་བུའི་ཐབ་ཏུ་ངུ་བ་མེད་པའི་མངག་མ་ལ་ཏིལ་དང་འབྲས་ལ་སོགས་པ་ནས་འབྲས
200b6 གཡས་གཡོན་གྱིས་སྲེག་གོ།། བཅོམ་ལྡན་འདས་ཀྱི་གཡོན་དུ་རྡོ་རྗེ་ལྟ་བུའི་ཐབ་བྱས་ལ་སྟོད་གཡོགས་ཀྱིས་ཡན་ལག་ཐམས་ཅད་བཅིངས་ལ་རྨོད་སྟན་འཇམ་པོ་ལ་འདུག་ནས། ཡམ་ཤིང་ཐམས་ཅད་འབར
200b7 བའི་འབྲེང་བ་འཛིངས་པའི་མེ་ལ་ལག་པ་གཡས་པ་རྡོ་རྗེ་དང་བཅས་པ་རྡོ་རྗེ་ཁུ་ཚུར་གྱི་ཕྱག་རྒྱ་བཅིངས་ནས། ལག་པ་གཡོན་པ་རྡོ་རྗེ་ཁུ་ཚུར་འཛིན་པས་གཟར་བུ་བཟུང་ནས་འཛུམ་ཞིང་དགའ་བར་བྱས་ཏེ།
iiif viewer powered by OpenSeadragon
