| e-texts navigator |
| Wylie |
200a1 ཕྱག་རྒྱ་ནི་འདི་ཡིན་ནོ།། རྡོ་རྗེ་འཛིན་མ་ཀུན་བྱས་ནས།། རྡོ་རྗེ་ཀུན་ཏུ་བརྟག་བྱ་བ།། གཡས་པར་བཞག་ནས་གཡོན་པ་ཡིས།། དྲིལ་བུ་གསིལ་ནས་འཇུག་པར་བྱ།། བཙུད་ནས་སུ་ནི།
200a2 དྲིལ་བུ་དེ།། མཉམ་པར་བཞག་པས་གསིལ་བར་བྱ།། སློབ་དཔོན་གྱུར་ཅིག་དམ་ཚིག་ཀྱང་།། རྟག་ཏུ་སྲུངས་ཤེས་བརྗོད་པར་བྱ།། ཇི་ལྟར་དྲིལ་བུའི་སྒྲ་འདི་ནི།། དེ་ཡི་མི་རྟག་པ་རུ་གསུངས།། དེ་ལྟར་ཁྱོད་ལ
200a3 བྱིན་ན་ནི།། རྡོ་རྗེ་ཆེན་པོ་ཞེས་བྱ་འདིས།། ངེས་པར་སྲེག་པར་འགྱུར་བ་ནི།། དེ་སྟེ་རྡོ་རྗེ་འཛིན་དང་དང་།། སྐྱབས་གསུམ་བརྟུལ་ཞུགས་དེ་བཞིན་ཏེ།། ཇི་ལྟར་བྱང་ཆུབ་སེམས་འདོད་རྣམས།། ཁྱོད་ཀྱིས་དེ་ཚེ
200a4 སྤངས་གྱུར་ནའོ།། དེ་ལ་འདི་ནི་དམ་ཚིག་གི་སྔགས་སོ།། ཨོཾ་ཧ་ན་ས་མ་ཡ་ཧཱུཾ་ཕཊ། དེ་ནས་དེ་བཞིན་དུ་འདུག་ལ། དེ་ནས་རྡོ་རྗེའི་ཆུ་འདི་བླུད་དོ།། དེ་ནས་གདོང་བཅིངས་པ་བཀྲོལ་ནས་ཆོ་ག་བཞིན་དུ་བྱའོ།། དམ།
200a5 ཚིག་གི་དཀྱིལ་འཁོར་རོ།། དེ་ནས་ལས་ཀྱི་དཀྱིལ་འཁོར་འབྱུང་སྟེ། དེ་བཞིན་དཀྱིལ་འཁོར་བྲིས་ནས་སུ།། ཆ་ལུགས་མང་པོ་གཞག་པར་བྱ།། བཙུད་ནས་ལས་རྣམས་ཐམས་ཅད་ཀྱང་།། སློབ་དཔོན་གྱིས་ནི་དེ།
200a6 བཞིན་བསླབ།། དེ་ནས་ལས་ཀྱི་རབ་ཏུ་སྦྱར་བ་འདིའོ།། བཅོམ་ལྡན་འདས་ཀྱི་སྤྱན་སྔར་ཐབ་གྲུ་བཞིར་བྱས་ལ། མངར་པོའི་ཡམ་ཤིང་ལ་མེ་བུས་ལ། མངར་པོའི་མེ་ཏོག་དང་འབྲས་བུ་རྣམས་སྦྲང་རྩི་དང་མར་ལ
200a7 སྦགས་ཏེ། བླ་གོས་གཡས་སུ་གཟར་ལ་ཀུ་ཤའི་བམ་པོ་ལ་འདུག་སྟེ། རྡོ་རྗེའི་ཚིག་ཏུ་བཟླས་ཤིང་། ཞི་བ་དང་། རྒྱས་པ་དང་། དབང་དུ་བྱ་བ་ལ་སོགས་པ་ཞི་བའི་ལས་རྣམས་ལ་ལག་པ་གཡོན་པས་བདག་གི་ཕྱག
iiif viewer powered by OpenSeadragon
