| e-texts navigator |
| Wylie |
197a1 བསྟེད་དེ་དག་ལ་སོགས་པ་ནི་ཚོགས་ཀྱི་བདག་པོར་དབང་བསྐུར་རོ།། དེ་ནས་ས་པ་རྣམས་རྡོ་རྗེ་མིང་གིས་དབང་བསྐུར་བ་བྱིན་པ་ནི། འདི་ལྟ་སྟེ། མཛོད་སྐྱོང་ནི་རྡོ་རྗེ་གྲུ་ཤིང་ངོ་།། རླུང་ནི་རྡོ་རྗེ་རླུང
197a2 ངོ།། མེ་ནི་རྡོ་རྗེ་མེའོ།། ཀུ་བ་ར་ནི་རྡོ་རྗེ་འཇིགས་པ་སྟེ། དེ་དག་ལ་སོགས་པ་ནི་རྡོ་རྗེ་ཕོ་ཉར་དབང་བསྐུར་རོ།། དེ་ནས་ས་འོག་ན་གནས་པའི་ལྷའི་དབང་པོ་ཐམས་ཅད་རྡོ་རྗེ་མིང་གིས་དབང་བསྐུར་བ་བྱིན་པ་ནི།། འདི
197a3 ལྟ་སྟེ་དཔག་ནི་རྡོ་རྗེ་ཀྱོ་བའོ།། གཤིན་རྗེ་ནི་རྡོ་རྗེ་ནག་པོའོ།། སའི་སྤྱི་བོ་ནི་རྡོ་རྗེ་རྣམ་འདྲེན་ནོ།། བ་རུ་ཎ་ནི་རྡོ་རྗེ་ཀླུ་སྟེ། དེ་དག་ལ་སོགས་པ་ནི་རྡོ་རྗེ་བྲན་དུ་དབང་བསྐུར་རོ།། དེ་ནས་འཇིག་རྟེན་གསུམ་གྱི་བདག་པོ
197a4 རྣམས་ཀྱིས་ལྷ་མོ་ཐམས་ཅད་ཀྱི་ལག་ཏུ་རྡོ་རྗེ་བྱིན་ཏེ་རྡོ་རྗེས་དབང་བསྐུར་ནས། རྡོ་རྗེ་མིང་གིས་དབང་བསྐུར་བ་བྱིན་པ་ནི། འདི་ལྟ་སྟེ། ཉོན་མོངས་པ་ནི་རྡོ་རྗེ་ཁྲོ་བ་མའོ།། ནོར་ཅན་ནི་རྡོ་རྗེ་གསེར་མའོ།། ཚངས་མ་ནི
197a5 རྡོ་རྗེ་ཞི་བའོ།། དུག་མོ་ནི་རྡོ་རྗེ་གཞོན་ནུ་མའོ།། དབང་མོ་ནི་རྡོ་རྗེ་ཁུ་ཚུར་ཏེ། དེ་དག་ལ་སོགས་པ་ནི་རིགས་ཀྱི་བློན་མོ་ཆེན་མོར་དབང་བསྐུར་རོ།། དེ་ནས་བར་སྣང་ལ་རྒྱུ་བའི་མ་རྣམས་དབང་བསྐུར་བ་བྱིན་པ་ནི། འདི
197a6 ལྟ་སྟེ། བདུད་རྩི་མ་ནི་རྡོ་རྗེ་བདུད་རྩི་མའོ།། འཁྲུངས་མ་ནི་རྡོ་རྗེ་སྡུག་གུ་མའོ།། བེ་ཅོན་འཆང་མ་ནི་རྡོ་རྗེ་བེ་ཅོན་རྩེ་མོའོ།། སྐྱེ་འཕྲོག་མ་ནི་རྡོ་རྗེ་ཀེད་འཆིངས་མ་སྟེ། དེ་དག་ལ་སོགས་པ་ནི་རྡོ་རྗེ་ཁྲོ་མོར་དབང་བཀྲུར
197a7 རོ།། དེ་ནས་ནམ་མཁའ་ལ་རྒྱུ་བའི་མ་རྣམས་དབང་བསྐུར་བ་བྱིན་པ་ནི། འདི་ལྟ་སྟེ། གསོད་མ་ནི་རྡོ་རྗེ་གསོད་མའོ།། ཟ་བ་མོ་ནི་རྡོ་རྗེ་ཟ་བ་མོའོ།། གོས་ནི་རྡོ་རྗེ་བགོ་བ་མོའོ།། དགའ་མོ་ནི་རྡོ་རྗེ་དབང་མོ་སྟེ། དེ
iiif viewer powered by OpenSeadragon
