| e-texts navigator |
| Wylie |
195b1 བཱན་བཛྲ་ཧཱུཾ་ཕཊ། དེ་ནས་འདི་གསུངས་པ་ཙམ་གྱིས་ལྔ་ཆེན་པོ་ལ་སོགས་པལྷའི་བདག་པོ་ཐམས་ཅད་འཁོར་དང་བཅས་པར་བཅོམ་ལྡན་འདས་ཕྱག་ན་རྡོ་རྗེ་གང་ན་བ་དེར་མགོ་རྐང་བཐོག་སྟེ། རི་རབ་རིའི་རྩེ་མོ
195b2 དཀྱིལ་འཁོར་ཆེན་པོར་བཙུད་ནས་བརླམས་པར་བྱས་ཏེ། བཅོམ་ལྡན་འདས་ཕྱག་ན་རྡོ་རྗེའི་ཞབས་གཡོན་པས་མནན་ཏོ།། དེ་ནས་བཅོམ་ལྡན་འདས་ཀྱིས། ཕྱག་ན་རྡོ་རྗེ་བྱང་ཆུབ་སེམས་དཔའ་སེམས་དཔའ
195b3 ཆེན་པོ་ལ་ལེགས་སོ་ལེགས་སོ་ཞེས་བྱ་བ་བྱིན་ཏེ། ཕྱག་ན་རྡོ་རྗེ་ཁྱོད་ཀྱིས་འདི་འདྲ་བར་སེམས་ཅན་འདུལ་བར་བྱེད་པ་ལེགས་སོ་ལེགས་སོ།། དེ་བས་ན་ཐུལ་ལ་དབུས་ཕྱུང་ཞིག། དེ་ནས་ཕྱག་ན་རྡོ་རྗེ་བྱང་ཆུབ
195b4 སེམས་དཔའ་སེམས་དཔའ་ཆེན་པོས་དེ་དག་གི་དོན་གྱི་ཕྱིར་རྡོ་རྗེས་བཅིངས་པ་འདི་གསུངས་སོ།། ཨོཾ་བཛྲ་དྲྀ་ཌྷོ་མེ་བྷ་བ་རཀྵ་སརྦྦ་ན་སྭཱ་ཧཱ། དེ་ནས་ཕྱག་ན་རྡོ་རྗེས་འདི་གསུངས་པ་ཙམ་གྱིས་ལྷ་ཆེན་པོ་ལ་སོགས
195b5 པ་ལྷ་དེ་དག་དྲན་པ་རྙེད་དོ།། དེ་ནས་བཅོམ་ལྡན་འདས་ཀྱིས། དེ་དག་ལ་འདི་སྐད་གསུངས་སོ།། གྲོགས་པོ་དག་སེམས་ཅན་ཆེན་པོ་འདིའི་བཀའ་བཞིན་བྱེད་པར་ཁས་ལོང་ཞིག། དེ་ནས་བཅོམ་ལྡན་འདས
195b6 ལ་དེ་དག་ཐམས་ཅད་མགྲིན་གཅིག་ཏུ་བདག་ཅག་མཆིད་ཀྱིས་མཚལ་ལོ་ཞེས་གསོལ་ཏོ།། དེ་ནས་ཕྱག་ན་རྡོ་རྗེ་བྱང་ཆུབ་སེམས་དཔའ་སེམས་དཔའ་ཆེན་པོས་ཡང་རང་གི་སྙིང་པོ་འདི་གསུངས་སོ།། ཧཱུཾ
195b7 ཊཀྐི་ཧོ། དེ་ནས་འདི་བརྗོད་པ་ཙམ་གྱིས་ལྷ་ལ་སོགས་པ་ཐམས་ཅད་དབང་དུ་བྱས་ཏེ། བཅོམ་ལྡན་འདས་ཕྱག་ན་རྡོ་རྗེ་ལ་ཕྱག་འཚལ་ནས་མཆི་མ་བླགས་ཏེ་ང་རོ་བཏོན་ནས་སྐྱབས་སུ་དོང་སྟེ། བཅོམ་ལྡན་འདས
iiif viewer powered by OpenSeadragon
