| e-texts navigator |
| Wylie |
195a1 བྱེད་པ་དང་། མཐའ་དང་མུ་མེད་པའི་གཟུགས་སྣ་ཚོགས་སུ་སྤྲུལ། ཁྲོ་བོ་རབ་ཏུ་མི་བཟང་བ་མ་རུངས་པའི་ཚོགས་ཆེན་པོ་དང་ལྷན་ཅིག་ཏུ་རབ་ཏུ་འཐབ་ཅིང་ཤིན་ཏུ་འགྱེད་པ། གླིང་བཞི་པའི་འཛི།།
195a2 རྟེན་གྱི་ཁམས་མཚན་མོའི་མུན་ནག་ཏུ་བྱས། འབར་བ་ཆེན་པོའི་ཕུང་པོས་གློངས་ཏེ་རབ་ཏུ་སྣང་བར་བྱས་སོ།། དེ་ནས་བཅོམ་ལྡན་འདས་ཕྱག་ན་རྡོ་རྗེ་འཆང་བ་ཆེན་པོ་ཅུང་ཟད་དུ་མཆེ་བའི་ཐོག་མ་གཙིགས་པ།
195a3 སྨིན་མའི་མཚམས་ཀྱི་ཁྲོ་གཉེར་གྱི་རླབས་བསྐྱོད་པ། མིག་གཡོན་པ་ཆེར་བགྲང་དེ། རྡོ་རྗེའི་ལྟ་བ་ཁྲོ་བ་དང་བཅས་པས་ཟབ་མོའི་ཚིག་གིས་ཤིགས་པ། སྙིང་པོ་མཆོག་འཇིག་རྟེན་གསུམ་ལས་རྣམ་པར་རྒྱལ
195a4 པའི་དཔལ་ཞེས་བྱ་བ་འདི་གསུངས་སོ།། ཧཱུཾ། དེ་ནས་ཧཱུཾ་ཞེས་བྱ་བ་དེས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀུན་སྒྲ་དེས་གང་ནས། གཡོས། རབ་ཏུ་གཡོས། ཀུན་ཏུ་རབ་ཏུ་གཡོས་སོ།། འཁྲོལ
195a5 རབ་ཏུ་འཁྲོལ། ཀུན་ཏུ་རབ་ཏུ་འཁྲོལ་ལོ།། དེ་ནས་དབང་ཕྱུག་ཆེན་པོ་ལ་སོགས་པ་ལྷའི་ཚོགས་ཐམས་ཅད་བཅོམ་ལྡན་འདས་ལ་སྐྱབ་ཏུ་གསོལ།། བདེ་བར་གཤེགས་པ་སྐྱབ་ཏུ་གསོལ་ཞེས་ནས། བཅོམ
195a6 ལྡན་འདས་ལ་སྐྱབས་སུ་དོང་ངོ་།། དེ་ནས་བཅོམ་ལྡན་འདས་ཀྱིས།། ཕྱག་ན་རྡོ་རྗེ་ལ་འདི་སྐད་ཅེས་གསུངས་སོ།། གང་འདི་ལྟ་བུའི་སྔགས་ཀྱི་ཚིག་སྨྲ་བ་ནི་ཁྱོད་རབ་ཏུ་མི་བགྲུངས་སོ།། དེ་ནས་ཕྱག་ན་རྡོ་རྗེས
195a7 བཅོམ་ལྡན་འདས་ཀྱི་ནབས་གཉིས་ལ་ཕྱག་འཚལ་ནས། ཡང་འཇིག་རྟེན་གསུམ་ལས་རྣམ་པར་རྒྱལ་བ་འདི་གསུངས་སོ།། ཨོཾ་སུམྦྷ་ནི་སུམྦྷ་ཧཱུཾ། གྲྀཧྞ་གྲཧྞ་ཧཱུཾ། གྲཧྞཱ་པ་ཡ་གྲྀཧྞཱ་པ་ཡ་ཧཱུཾ། ཨཱ་ན་ཡ་ཧོ་བྷ་ག
iiif viewer powered by OpenSeadragon
