| e-texts navigator |
| Wylie |
194a1 དེ་ནས་བཅོམ་ལྡན་འདས་ཀྱིས་དོན་འདི་བསྟན་པའི་ཕྱི་ཚིགས་སུ་བཅང་པ་འདི་གྲངས་ཏེ་གསུངས་སོ།། སེམས་ཅན་ཀུན་ལ་ཕན་པའི་ཕྱིར།། སངས་རྒྱས་ཀུན་གྱིས་བྱིན་གྱིས་བརླབས།། ཀུན
194a2 ཏུ་བཟང་པོ་ཀུན་གྱི་བདག། སངས་རྒྱས་ཐམས་ཅད་ཉིད་བསྐྱེད་འདི།། ཕྱག་ན་རྡོ་རྗེ་གནོད་སྦྱིན་ཆེ།། མ་རུངས་འཆོལ་ལ་དབང་བ་སྟེ།། གང་མིང་བརྗོད་པ་དེ་ཡིས་ནི།། སངས་རྒྱངས་ཡང་ཐོབ་པར་འགྱུར།
194a3 དེ་ནས་ཕྱག་ན་རྡོ་རྗེ་བྱང་ཆུབ་སེམས་དཔའ་ཆེན་པོས་ཡང་གསུངས་པ། ཀྱེ་ཀྱེ་ལྷ་དག་སངས་རྒྱས་ལ་སྐྱབས་སུ་དེང་ལ་ངའི་བཀའ་བཞིན་དུའང་གྱིས་ཤིག། རྡོ་རྗེ་འབར་བ་གཅིག་ཏུ་འབར་བར་གྱུར་པ་འདིས་ཁྱོད་ཐམས
194a4 ཅད་གཏན་བསྲེགས་པར་གྱུར་ཏ་རེ། དེ་ནས་ལྷ་ཆེན་པོ་ལ་སོགས་པ་རྣམས་ཀྱིས་འདི་སྐད་ཅེས་སྨྲས་སོ།། ཁྱོད་ནི་གནོད་སྦྱིན། ངེང་ནི་ལྷ་བས་ན་ངེད་ཀྱིས་གནོད་སྦྱིན་གྱི་བཀའ་རྗེས་སུ་སྐྱོང་བར་མི་ནུས་སོ།། དེ་ནས་ཕྱ།
194a5 ན་རྡོ་རྗེས་འདི་ཐོས་ནས་ཁྲོས་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་བཅོམ་ལྡན་འདས་རྣམས་ཀྱིས་བདག་མ་རུངས་པ་ཐམས་ཅད་འདུལ་བར་དབང་བསྐུར་ཏེ་བསྐོས་སོ།། དེ་བས་ན་སལ
194a6 ཏེ་བཅོམ་ལྡན་འདས་ཀྱིས་བདག་ལ་བཀའ་སྩལ་ན་ལྷ་ཆེན་པོ་འདི་འདུལ་བར་འཚལ་ལོ།། དེ་ནས་བཅོམ་ལྡན་འདས་ཀྱིས། ལྷ་ཆེན་པོ་ལ་འདི་སྐད་ཅེས་གསུངས་སོ།། སེམས་ཅན་ཆེན་པོ་ཁས་ལོང་ཞིག། འདིས
194a7 ཁྱོད་གས་དང་རེ།། དེ་ནས་བཅོམ་ལྡན་འདས་ལ།། ལྷ་ཆེན་པོ་ལ་སོགས་པ་འཇིག་རྟེན་གསུམ་ཐམས་ཅད་ཀྱི་དབང་པོ་རྣམས་ཀྱིས་འདི་སྐད་ཅེས་གསོལ་ཏོ།། བཅོམ་ལྡན་འདས་གནོད་སྦྱིན་མ་རུངས་པ་འདིའི
iiif viewer powered by OpenSeadragon
