| e-texts navigator |
| Wylie |
192b1 ཐམས་ཅད་རྣམ་དག་པ།། དག་པ་ཉིད་དུ་གྱུར་པ་ནི།། ཇི་ལྟར་ལྷ་ཡི་ནོར་བུ་ནི།། རང་གི་འོད་ཀྱིས་རྟག་ཏུ་སྣང་།། སྲིད་པ་ཡོངས་སུ་དག་པ་ཡང་།། རྣལ་འབྱོར་རྣལ་འབྱོར་ཐོབ་བྱེད་ཡིན།། རྡོ་རྗེ་དབྱིངས་ནི་གསཔ།
192b2 ཆེན་དུ།། གང་ཞིག་དབང་བསྐུར་མཁས་པ་ལ།། ཐུགས་ཀྱི་གསང་བའི་རྣལ་འབྱོར་མཆོག། མཁས་པས་དེ་ལ་བཤད་པར་བྱ།། ཐམས་ཅད་གསང་བ་ཞེས་བྱ་བའི་རྒྱུད་ཀྱི་རྒྱལ་པོ་རྫོགས་སོ།།
192b3 རྒྱ་གར་གྱི་མཁན་པོ་པདྨ་ཀཱ་ར་བ་རྨ་དང་།། ཞུ་ཆེན་གྱི་ལོ་ཙ་བ་དགེ་སློང་རིན་ཆེན་བཟང་པོས་བསྒྱུར་ཅིང་ནུས་ཏེ་གཏན་ལ་ཕབ་པའོ།། @། རྒྱ་གར
192b4 སྐད་དུ། ཏྲཻ་ལོ་ཀྱ་བི་ཛཱ་ཡ་མ་ཧཱ་ཀལྤ་རཱ་ཛ། བོད་སྐད་དུ། འཇིག་རྟེན་གསུམ་ལས་རྣམ་པར་རྒྱལ་བ་རྟོག་པའི་རྒྱལ་པོ་ཆེན་པོ།། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས
192b5 གཅིག་ན། བཅོམ་ལྡན་འདས་རི་རབ་རིའི་རྩེ་མོ་ན་རྡོ་རྗེ་དང་ནོར་བུ་རིན་པོ་ཆེའི་རྩེ་མོའི་ཁང་པ་བརྩེགས་པ་ན། བྱང་ཆུབ་སེམས་དཔའ་བྱེ་བ་ཕྲག་དུ་མ་དང་། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། མི་འམ་ཅི་དང་།
192b6 འབྱུང་པོ་དང་། ཤ་ཟ་དང་། བརྗེད་བྱེད་དང་། མ་མོ་རྣམས་དང་། བལྟར་རུང་བ་དང་། བལྟར་མི་རུང་བ་དུ་མ་སངས་རྒྱས་ཀྱི་བསྟན་པ་ལ་མངོན་པར་དད་པ་རྣམས་དང་ཐབས་ཅིག་ཏུ་ཞུགས་ཏེ། དེ་ནས་བཅོམ་ལྡན་འདས
192b7 ཕྱག་ན་རྡོ་རྗེ་བྱང་ཆུབ་སེམས་དཔའ་ཆེན་པོ་ནམ་མཁའི་དཀྱིལ་ནས་བབས་ཏེ། བཅོམ་ལྡན་འདས་ཀྱི་ཞབས་གཉིས་ལ་སྤྱི་བོས་ཕྱག་འཚལ་ནས།། བཅོམ་ལྡན་འདས་ལ་ལན་གསུམ་བསྐོར་བ་བྱས་ནས་འདི
iiif viewer powered by OpenSeadragon
