| e-texts navigator |
| Wylie |
192a1 ཏུ་ཨུཏྤལ་དམར་པོ་ནི།། སངས་རྒྱས་ཐམས་ཅད་རབ་བསྒོམས་པའོ།། ཆོས་ཀྱི་ཡེ་ཤེས་བྱེད་པ་མཆོག། གསང་བ་དམ་ཚིག་རྡོ་རྗེ་ཅན།། མཁའ་དབྱིངས་རྡོ་རྗེའི་དབུས་ཆུད་པར།། ཟླ།
192a2 བའི་དཀྱིལ་འཁོར་དམ་པ་བསམ།། སངས་རྒྱས་གཟུགས་ནི་རྣམ་བསྒོམས་ལ།། སྒྲོལ་མ་མཆོག་ནི་བསམ་པར་བྱ།། ཞལ་མཛེས་སྤྱན་ནི་ཡངས་པ་དང་།། སྣ་ཚོགས་རྒྱན་གྱིས་རབ་ཏུ་བརྒྱན།། ཁ་དོག་སེར
192a3 པོ་ཉིད་བསམ་ཞིང་།། བུད་མེད་སྒྱུ་མའི་དྲེགས་བདེ་བ།། ཕྱག་ཏུ་ཨུཏྤལ་དམ་པ་ནི།། སེར་པོ་སྣང་བ་བསྒོམ་པར་བྱ།། རྡོ་རྗེ་ཉིད་འཛིན་ལས་བྱུང་བ།། སེམས་ཅན་ཀུན་གྱིས་ཕྱག་བྱས་པའོ།། ཨོཾ་རུ
192a4 སྥུ་རུ་ཛྭ་ལ་ཏིཥྛ་སིདྡྷ་ལོ་ཙ་ནེ་སརྦ་ཨརྠ་སཱ་དྷ་ནི་སྭཱ་ཧཱ། ཨོཾ་ཤཾ་ཀ་རེ་ཤཱནྟི་ཀ་རེ་གྷུནྶ་ཊི་ནི་གྷཱ་ཏ་ཡ་གྷཱ་ཏ་ཡ་གྷུ་ཊ་ཊི་ནི་སྭཱ་ཧཱ། ཨོཾ་ཀ་ཊེ་བི་ཀ་ཊེ་ནི་ཀ་ཊེ་ཀ་ཊཾ་ཀ་ཊེ་སྭཱ་ཧཱ། ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ། རིག་པའི་ལྷ་མོ་བཞི
192a5 སྐུ་ནི་ལུས་ཀྱི་ངོ་བོ་ཡིས།། ཐུགས་ནི་སེམས་ཀྱི་རྣམ་པ་ཉིད།། གསུང་ནི་ངག་གི་རྣམ་པ་ཡིས།། མཆོད་ན་མཆོད་པའི་བདག་ཉིད་འགྱུར།། སྐུ་གསུང་ཐུགས་ཀྱི་གསང་བ་ནི།། མཁས་པ་ཡིས་ནི
192a6 བསྲུང་བྱ་སྟེ།། བསྲུངས་ན་མཆོག་ཏུ་གསང་བ་ནི།། རྟག་པར་ཀུན་ཏུ་འབྱུང་བར་འགྱུར།། དངོས་པོ་ཡོངས་སུ་དག་པ་ནི།། མེད་པས་ཀུན་ཏུ་བརྟག་མི་འབྱུང་།། རྣལ་འབྱོར་པ་ཡིས་རྣལ་འབྱོར་ཐོབ།།
192a7 ཚོགས་མེད་ཡང་དག་མི་མཐོང་ངོ་།། དེ་བས་གསང་བའི་ཡེ་ཤེས་འབྱུང་།། རྣལ་འབྱོར་ཀུན་ཏུ་འབྱུང་བར་འགྱུར།། ཤེས་རབ་ཕ་རོལ་ཕྱིན་པའི་ཐབས།། ཏིང་འཛིན་ཡེ་ཤེས་བརྟགས་པ་ཡིན།། ཆོས་རྣམ
iiif viewer powered by OpenSeadragon
