| e-texts navigator |
| Wylie |
191a1 གྲུ་བཞི་པར་ནི་བརྟག་པར་བྱ།། ལྟ་བ་ལྔ་པོ་བགྲོད་དཀའ་ཆེ།། ཁ་དོག་ལྔ་ཡི་དེ་བཞིན་གཤེགས།། སངས་རྒྱས་ལྔ་དང་མཉམ་སྦྱོར་བས།། ས་ནི་ཚོན་གྱིས་རབ་ཏུ་བསྒྱུར།
191a2 དཀྱིལ་འཁོར་ལྔ་ཡི་དབུས་སུ་ནི།། སངས་རྒྱས་ལྡན་དགོད་པར་བྱ།། ཁ་དོག་ལྔ་དང་ཏིང་འཛིན་གྱིས།། འདོད་པའི་ཡོན་ཏན་ལྔ་ཡིས་ཁྱབ།། ཤེལ་དང་ཟླ་བའི་འོད་འདྲ་ཞིང་།། སངས་རྒྱས་ཐམས་ཅད།
191a3 གཅིག་བསྡུས་པ།། དེ་བཞིན་གཤེགས་པ་རྣམ་སྣང་མཛད།། དཔའ་བོའི་ལྟ་བ་དེ་བཞིན་གཤེགས།། ཨིནྡྲ་ནཱི་ལའི་འོད་འདྲ་ཞིང་།། རྡོ་རྗེ་ཐམས་ཅད་གཅིག་བསྡུས་པ།། མི་བསྐྱོད་ཡེ་ཤེས་ལས
191a4 བྱུང་བ།། རྡོ་རྗེའི་ལྟ་བ་དེ་བཞིན་གཤེགས།། འཛམ་བུའི་གསེར་གྱི་འོད་འདྲ་ཞིང་།། སངས་རྒྱས་ཐམས་ཅད་གཅིག་བསྡུས་པ།། སེམས་ཅན་ཀུན་གྱི་དོན་དུ་བྱུང་།། འབར་བའི་ལྟ་བ་དེ་བཞིན་གཤེགས།
191a5 དཔའ་བོ་ཆེན་པོ་པདྨ་འདྲ།། པདྨ་རཱ་གའི་ནོར་བུའི་འོད།། ཆོས་ཀྱི་ཡེ་ཤེས་ལས་བྱུང་བ།། ཆགས་པའི་ལྟ་བ་དེ་བཞིན་གཤེགས།། མ་རྒད་ཀྱི་ནི་འོད་འདྲ་ཞིང་།། སངས་རྒྱས་ཐམས་ཅད་གཅིག།
191a6 བསྡུས་པ།། སངས་རྒྱས་ཀུན་གཅིག་ལས་བྱུང་བ།། བྱམས་པའི་ལྟ་བ་དེ་བཞིན་གཤེགས།། དབུས་མའི་ས་ཡི་གཞི་དག་པ།། ནོར་བུ་ཆུ་ཤེལ་མདོག་འདྲ་བ།། ཤར་ཕྱོགས་ཉིད་དུ་སྔོན་པོ་ཆེ།།
191a7 ལྷོ་རུ་སེར་པོ་ཡང་དག་ལྡན།། ནུབ་ཕྱོགས་དེར་ནི་དམར་པོ་སྟེ།། བྱང་དུ་ལྡང་དང་ཡང་དག་ལྡན།། ཀུན་ཏུ་ཁྱམས་དང་ལྡན་པ་ལ།། སྒོར་ནི་ཁྱམས་དང་བྲལ་བའོ།། གང་ཞིག་དབུ་ས་མས་ཡང་དག
iiif viewer powered by OpenSeadragon
