| e-texts navigator |
| Wylie |
190b1 བྱེད་པ།། ལྷ་མོ་བཞི་ཡི་མཉམ་སྦྱོར་བས།། རྒྱུ་དང་མི་རྒྱུ་རྣམས་ཀྱི་ས་རོལ།། གསར་ཞིང་ལེགས་པར་བསྒྲིལ་བ་དང་།། ཚད་དང་ལྡན་ཞིང་མཛེས་པ་ཡིས།། ཤེས་རབ་ཅན་གྱིས་ཐིག་གདབ་པ།། སྐུ
190b2 གསུང་ཐུགས་ནི་བསྒོམས་པས་སོ།། ཟུར་བཞི་པ་ལ་སྒོ་བཞི་པ།། རྟ་བབས་བཞིས་ནི་མཛེས་བྱས་ལ།། ཐིག་བཞིད་ནི་ཡང་དག་ལྡན།། དར་དང་མེ་ཏོག་འཕྲེང་བས་བརྒྱན།། གྲཝ་ཡི་མཚམས་ནི་ཐམས
190b3 ཅད་དང་།། སྒྲོ་ཁྱུད་ཀྱི་ནི་ནང་རྣམས་སུ།། རྡོ་རྗེ་རིན་ཆེན་སྤྲས་པས་ནི།། ཕྱི་ཡི་དཀྱིལ་འཁོར་ཐིག་གདབ་བོ།། རྡོ་རྗེའི་ཐིག་གིས་ཡོངས་བསྐོར་ཅིང་།། ཀ་བ་བརྒྱད་ཀྱིས་ཉེ་བར་མཛེས།། ཀ་བ་བརྒྱད་ཀྱི
190b4 ནང་གནས་པའི།། དཀྱིལ་འཁོར་བརྒྱད་པར་བསྟན་པ་དང་།། གྲཝ་ཡི་དཀྱིལ་འཁོར་དོར་བར་ནི།། རྡོ་རྗེ་ལྷ་མོའི་ཚོགས་ཀྱིས་མཆོད།། འཁོར་ལོ་ལྔ་དང་ཡང་དག་ལྡན།། དཀྱིལ་འཁོར་ལྔ་ཡིས་རྣམ་པར་བརྒྱན
190b5 དྲ་བ་དྲ་ཕྱེད་ཀྱིས་བརྒྱན་ཅིང་།། རྔ་ཡབ་ཀྱིས་ནི་ཉེར་སྤྲས་པ།། ཁྲུ་ནི་བཅུ་གཉིས་བྱ་བའམ།། ཁྲུ་བཅུ་དྲུག་ཏུ་རབ་ཏུ་བརྟགས།། ཡང་ན་ཁྲུ་ནི་ཉི་ཤུ་ཙམ།། ཉི་ཤུ་ལྔ་དང་ལྡན་པ་ཡིས།། ཁྲུ་ནི་ཉི་ཤུ་ལྔ་པ་ཡིས།།
190b6 དཀྱིལ་འཁོར་ཡང་དག་བྱིན་གྱིས་བརླབ།། སྒོ་རྣམས་ཀྱི་ནི་དབུས་མའི་ཆ།། ཆ་དགུ་རུ་ནི་རྣམ་དབྱེ་བ།། དཀྱིལ་འཁོར་སྒོ་རུ་བསམས་ནས་ནི།། སྒོ་ཁྱུད་དང་ནི་བྱ་བ་ཡིན།། སྒོ་ཁྱུད་དཀྱིལ་འཁོར་རྣམ་པ་ནི།། སྙིང
190b7 པོའི་དཀྱིལ་འཁོར་དང་མཉམ་པར།། དགུ་ཆ་རུ་ནི་ནམ་བགོས་ཏེ།། གྲཝ་ཡི་དཀྱིལ་འཁོར་དོར་བར་བྱ།། ཐ་མར་ཁྱམས་དང་ལྡན་པ་ཡི།། དཀྱིལ་འཁོར་ལྔས་ནི་བརྒྱན་པ་དང་།། ཁ་དོག་ལྔ་དང་ཡང་དག་ལྔན།
iiif viewer powered by OpenSeadragon
