| e-texts navigator |
| Wylie |
189a1 བྱ་དག་གྱུར་པ།། ཞེན་པ་ཀུན་ཏུ་མཆོག་པར་འགྱུར།། མཚན་ཉིད་གང་ཞིག་ཡང་དག་བཤད།། མཚན་ཉིད་དེས་ནི་མཚོན་པར་འགྱུར།། སྐུ་གསུང་ཐུགས་ཀྱི་ཕྱག་རྒྱ་ཡིས།
189a2 རྒྱས་བཏབ་ཡེ་ཤེས་ཡིན་པར་བཤད།། ཕྱག་རྒྱ་བསྒོམས་པས་རྣལ་འབྱོར་པ།། རྟག་ཏུ་ཕྱག་རྒྱའི་བདག་ཅན་འགྱུར།། རྒྱས་བཏབ་དངོས་པོ་ཤེས་ནས་ནི།། བསྒོམས་ན་ཕྱག་རྒྱས་བཏབ་པར་འགྱུར།།
189a3 མཚན་དང་མཚན་ཉིད་འབྲེལ་བ་ནི།། ཤེས་ནས་རྣལ་འབྱོར་ཡང་དག་སྤྱོད།། ཇི་ལྟར་མཚན་ཉིད་ཡང་དག་གྲུབ།། དེ་བཞིན་དག་པ་མྱུར་དུ་འགྲུབ།། གཡས་པའི་ཆ་ཡི་མཚན་མ་ནི།། ཤེས་རབ་ཅན་ནི
189a4 རབ་ཏུ་བསྟན།། གཡོན་གྱི་མཚན་མ་ཇི་ལྟར་མཐོང་།། དེ་ཡིས་ཐུགས་རྗེ་མཚོན་པ་ཡིན།། ཕྱག་ནི་གཉིས་ཀའི་མཉམ་སྦྱོར་ལས།། ཏིང་འཛིན་གཉིས་སུ་བཤད་པ་ཡིན།། ཞབས་གཉིས་ཀྱི་ནི་མཚན་མ
189a5 ཡི་ས་ཚོགས་གཉིས་དག་ནི་བསྟན་པ་ཡིན།། སོར་མོ་ལྔ་ཡི་མཉམ་སྦྱོར་ལས།། དཀྱིལ་འཁོར་ལྔ་ཡིས་བརྒྱན་པ་ཡིན།། སངས་རྒྱས་ལྔ་ཡི་མངོན་བྱང་ཆུབ།། རིམ་པ་བཞིན་དུ་བསྟན་བྱ་སྟེ།། གང
189a6 ཞིག་གུང་མོ་སྟོན་པ་ནི།། ནམ་མཁའ་ལས་ནི་བྱུང་བ་མཚོན།། གང་ཞིག་མཛུབ་མོ་སྟོན་པ་ནི།། དེས་ནི་དབང་ཆེན་དཀྱིལ་འཁོར་ཡིན།། སྲིན་ལག་ཏུ་ནི་ཡང་དག་བཤད།། ཆུ་ཡི་དཀྱིལ་འཁོར་ཞེས
189a7 བཤད་དོ།། གང་ཞིག་མཐེ་བོང་སྟོན་པ་ནི།། དེ་ཡིས་མེ་ནི་མཚོན་པ་ཡིན།། གང་ཞིག་མཐེའུ་ཆུང་སྟོན་པ་ནི།། རླུང་གི་དཀྱིལ་འཁོར་ཉིད་དུ་འགྱུར།། གང་ཞིག་ལྟེ་བ་སྟོན་པ་ནི།། རྡོ་རྗེ་དབྱིངས་ཀྱི
iiif viewer powered by OpenSeadragon
